ଭୁବନେଶ୍ୱରରୁ ଆଜି ୩୧୭ କରୋନା ଆକ୍ରାନ୍ତ ଚିହ୍ନଟ
ଭୁବନେଶ୍ୱର – ଆଜି ପୁଣି ଭୁବନେଶ୍ୱରରୁ ୩୧୭ଜଣ କରୋନା ଭାଇରସ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରାଣ୍ଟାଇନ୍ରୁ ୨୦୬ଜଣ ଆକ୍ରାନ୍ତ ଥିବା ବେଳେ , ସ୍ଥାନୀୟ ଆକ୍ରାନ୍ତ ଅଛନ୍ତି ୧୧୧ଜଣ ।
ଆଚାର୍ଯ୍ୟ ବିହାରରୁ ୧୨ଜଣ ଓ ରିଜର୍ଭ ପୁଲିସ୍ରୁ ୯ ଜଣ ଚିହ୍ନଟ ହୋଇଛନ୍ତି । ସାଲିଆ ସାହିରୁ ୯ଜଣ , ୟୁନିଟ୍-୬ରୁ ୬ଜଣ ଚିହ୍ନଟ ହୋଇଛନ୍ତି ।
ସୂଚନା ମୁତାବକ ,ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ୭,୩୩୨କୁ ବୃଦ୍ଧି । ସେପଟେ ମୋଟ୍ ଆରୋଗ୍ୟଙ୍କ ସଂଖ୍ୟା ୪,୩୮୯ଜଣ । ଆଜି ଭୁବନେଶ୍ୱରରେ କରୋନାରୁ ଆଉ ୧୭୦ ଜଣ ଆରୋଗ୍ୟ ହୋଇଛନ୍ତି ।
ଏବେ ପୂରା ଓଡ଼ିଶାକୁ କରୋନା ଭୟ ଘାରିଛି। ଗତ ୨୪ ଘଣ୍ଟା ମଧ୍ୟରେ ସର୍ବାଧିକ ୨୯୯୩ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଆଉ ୧୦ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି। ଏହାକୁ ମିଶାଇ ରାଜ୍ୟରେ ମୋଟ୍ କରୋନା ଜନିତ ମୃତ୍ୟୁ ସଂଖ୍ୟା ୪୦୯ କୁ ବୃଦ୍ଧି ପାଇଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।