ଫିଲିପିନ୍ସରେ ଭୂମିକମ୍ପ, ଲକ୍ଷାଧିକ କ୍ଷତି

ନୂଆଦିଲ୍ଲୀ:-ମଙ୍ଗଳବାରକୁ ଫିଲିପିନ୍ସରେ ତୀବ୍ର ଭୂମିକମ୍ପ ଅନୁଭବ ହୋଇଛି । ଭୂମିକମ୍ପର ତୀବ୍ରତା ରିକ୍ଟର ସ୍କେଲ ଅନୁସାରେ ୬.୬ ରହିଥିଲା । ଭୂମିକମ୍ପ ସମୟରେ କେତେକ ଘର ଭଙ୍ଗାରୁଜା ହୋଇଥିବା ବେଳେ କିଛି ଲୋକ ଏହି ମଧ୍ୟରେ ଫସି ରହିଥିଲେ । ଏହି ଭୂମିକମ୍ପରୁ ବଂଚିବା ପାଇଁ ହଜାର ହଜାର ଲୋକ ଘର ବାହାରକୁ ମଧ୍ୟ ଚାଲି ଆସିଥିଲେ । ଭୂମିକମ୍ପର ଏପିସେଣ୍ଟର ସ୍ଥିତ କାତାଗନ ସହରରେ ସଡ଼କ ଏବଂ ପୁଲ ଗୁଡ଼ିକରେ ଫାଟ ସୃଷ୍ଟି ହୋଇଛି । ସେଠାର ଜଣେ ଅଧିବାସୀଙ୍କ କହିବା ଅନୁସାରେ ସେ ତାଙ୍କ ବନ୍ଧୁଙ୍କ ଘରକୁ ଯିବା ସମୟରେ ମୋଟର ସାଇକେଲ ଖସିବାକୁ ଲାଗିଲା । ସଡ଼କ ଥରୁଥିଲା । ବ୍ୟକ୍ତି ଜଣକ ଭାବୁଥିଲେଯ ତାଙ୍କ ଗାଡ଼ି ପଙ୍କଚର ହୋଇ ଯାଇଛି । କିନ୍ତୁ ସେହି ସମୟରେ ହଠାତ୍ ଘର ବାହାରକୁ ଦୌଡ଼ି ଆସିବାକୁ ଲାଗିଲେ ସେଠାକାର ଲୋକ । ଏହାପରେ ବିଜୁଳି କଟିଗଲା ।