କୋଭିଡ ଟେଷ୍ଟରେ ଓଡିଶା ଦେଶରେ ୫ ନମ୍ବର ରାଜ୍ୟ

ଭୁବନେଶ୍ୱର,:-ଓଡିଶା କରୋନା ମୁକାବିଲାରେ ଆଗରେ ରହିଛି । ରାଜ୍ୟରେ ପ୍ରତିଦିନ ହଜାର ହଜାର ସଂଖ୍ୟାରେ କରୋନା ଟେଷ୍ଟିଂ କରାଯାଉଛି । କୋଭିଡ୍ ଟେଷ୍ଟିଂରେ ରାଜ୍ୟ ଦେଶରେ ୫ମ ସ୍ଥାନରେ ରହିଛି । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ।ମୁଖ୍ୟମନ୍ତ୍ରୀ ଟ୍ୱିଟ୍ ଯୋଗେ କହିଛନ୍ତି ଯେ, କୋଭିଡ୍ ଟେଷ୍ଟିରେ ଦେଶର ଅଗ୍ରଣୀ ରାଜ୍ୟ ମଧ୍ୟରେ ଓଡିଶା ୫ମ ସ୍ଥାନରେ ରହିଛି । ୧୦ ଲକ୍ଷ ଲୋକ ସଂଖ୍ୟାରେ ଦୈନିକ ୮୬୭ ଟେଷ୍ଟିଂ କରାଯାଉଛି । ଜାତୀୟ ହାରଠୁ ଏହା ଢେର୍ ଅଧିକ । ଜାତୀୟସ୍ତରରେ ଦୈନିକ ୧୦ ଲକ୍ଷ ଲୋକରେ ୬୦୨ ଟେଷ୍ଟିଂ କରାଯାଉଛି । ଆଗକୁ ଟେଷ୍ଟିଂ ବୃଦ୍ଧି କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।