ବିଶ୍ୱର ସବୁଠାରୁ ଦାମୀ କାର୍ କିଣିଲେ କ୍ରିଷ୍ଟିଆନୋ ରୋନାଲ୍ଡୋ
ନୂଆଦିଲ୍ଲୀ:-ପର୍ତ୍ତୁଗାଲର ଚର୍ଚ୍ଚିତ ଫୁଟବଲ୍ ପ୍ଲେୟାର କ୍ରିଷ୍ଟିଆନୋ ରୋନାଲ୍ଡୋ ବିଶ୍ୱର ସବୁଠାରୁ ଦାମୀ କାର୍ ବୁଗାଟି ଲା ଭଏଚର୍ ନୋୟାର କିଣିଛନ୍ତି । ରୋନାଲ୍ଡୋ ଯେଉଁ କ୍ଲବ୍ ପାଇଁ ଫୁଟବଲ ଖେଳନ୍ତି ସେହି କ୍ଲବ ନିକଟରେ ୩୬ତମ ସିରି-ଏ ଚାମ୍ପିଅନସିପ୍ ଜିତିଥିଲା । ଏହାପରେ ଉପହାର ସଦୃଶ ରୋନାଲ୍ଡୋ ନିଜେ ଏହି କାର୍ କିଣିଛନ୍ତି ।
ଏହି କାର୍ର ଦାମ ହେଉଛି ଭାରତୀୟ ମୁଦ୍ରାରେ ପ୍ରାୟ ୭୫ କୋଟି ଟଙ୍କା । ବୁଗାଟି ଏପରି ମାତ୍ର ୧୦ଟି କାର୍ ପ୍ରସ୍ତୁତ କରିଛି । ବୁଗାଟି ଲା ଭଏଚର୍ ନୋୟାର କିଣିବାକୁ ରୋନାଲ୍ଡୋ ପ୍ରାୟ ୮.୫ ମିଲିୟନ ଡଲାର ବା ୭୫ କୋଟି ଟଙ୍କା ଖର୍ଚ୍ଚ କରିଛନ୍ତି ।୩୫ ବର୍ଷୀୟ ଷ୍ଟାର ଫୁଟବଲର ରୋନାଲ୍ଡୋ ନିଜ ଇନଷ୍ଟାଗ୍ରାମ୍ ପେଜରେ କାର୍ ସହ ନିଜ ଫଟୋ ଅପଲୋଡ୍ କରିଛନ୍ତି । ରୋନାଲ୍ଡୋଙ୍କ ଗ୍ୟାରେଜରେ ଯେତିକି କାର୍ ରହିଛି ତାହାର ଦାମ୍ ମିଶାଇଲେ ପ୍ରାୟ ୩୦ ମିଲିୟନ ଡଲାର ବା ୨୬୪ କୋଟି ଟଙ୍କାରୁ ଅଧିକ ହେବ ।ଏହି କାର୍ର ଘଣ୍ଟା ପ୍ରତି ବେଗ ସର୍ବାଧିକ ୩୮୦ କିମି । ୨.୪ ସେକେଣ୍ଡରେ ଏହା ଘଣ୍ଟା ପ୍ରତି ୬୦ କିମି ବେଗରେ ଗତି କରେ । ନିକଟରେ ବୁଗାଟି ଓ ନାଇକି ମିଳିତ ଭାବେ ରୋନାଲ୍ଡୋଙ୍କ ପାଇଁ ଏକ ସ୍ୱତନ୍ତ୍ର ଜୋତା ପ୍ରସ୍ତୁତ କରିଥିଲେ ।