ସୁଶାନ୍ତ ସିଂ ରାଜପୁତଙ୍କୁ ଦିଆଯାଇଛି ଧୋକା, ତାଙ୍କ ପିତା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ନାଁରେ କଲେ ମାମଲା ରୁଜୁ
ନୂଆଦିଲ୍ଲୀ – ସୁଶାନ୍ତ ସିଂ ରାଜପୁତଙ୍କୁ ଧୋକା ଦିଆଯାଇଛି । ତାଙ୍କର ଟଙ୍କା ହଡପ କରି ନିଆଯାଇଛି ବୋଲି ତାଙ୍କ ପିତା ଅଭିଯୋଗ କରିଛନ୍ତି । ଏବିଷୟରେ ସେ ମାମଲା ରୁଜୁ କରିଛନ୍ତି । ସୁଶାନ୍ତଙ୍କ ପିତା କେକେ ସିଂ ଏ ନେଇ ମାମଲା ରୁଜୁ କରିଛନ୍ତି । ପାଟଣାର ରାଜୀବ ନଗର ଥାନାରେ ଏ ନେଇ ମାମଲା ରୁଜୁ କରାଯାଇଛି । ସୂଚନା ଅନୁସାରେ ସୁଶାନ୍ତ ସିଂ ରାଜପୁତଙ୍କ ପିତାଙ୍କ ବୟାନ ଅନୁସାରେ ଏହି ମାମଲା ରୁଜୁ କରାଯାଇଛି । ପରିବାର ଲୋକ ରିୟା ଚକ୍ରବର୍ତ୍ତୀଙ୍କ ଉପରେ ସନ୍ଦେହ ପ୍ରକଟ କରିଛନ୍ତି । ସେ ସୁଶାନ୍ତଙ୍କ ଟଙ୍କା ହଡପ କରିନେବା ସହ ତାଙ୍କ ଉପରେ ମାନସିକ ଚାପ ପକାଇଥିବା ଅଭିଯୋଗ ହୋଇଛି ।
ରିୟା ଚକ୍ରବର୍ତ୍ତୀ ସୁଶାନ୍ତଙ୍କ ଟଙ୍କା ହଡପ କରିବା ସହ ତାଙ୍କ ଉପରେ ମାନସିକ ଚାପ ପକାଉଥିବା କଥା ଏଥିରେ ଅଭିଯୋଗ କରାଯାଇଛି । ରିୟା ଚକ୍ରବର୍ତ୍ତୀ ଏବଂ ତାଙ୍କ ପରିବାର ଲୋକ ସୁଶାନ୍ତଙ୍କୁ ଧୋକା ଦେଇଥିବା କଥା ଏଥିରେ ଉଲ୍ଲେଖ କରାଯାଇଛି । କେବଳ ସେତିକି ନୁହେଁ ସୁଶାନ୍ତଙ୍କ ଉପରେ ଚାପ ପକାଇ ପରିବାର ଠାରୁ ପୁରା ସମ୍ପର୍କ ଛିନ୍ନ କରିଥିବା କଥା ଉଲ୍ଲେଖ ରହିଛି । ପାଟନାର ଏସ୍ଏସ୍ପି ଉପେନ୍ଦ୍ର ଶର୍ମାଙ୍କ ଆଦେଶ ପରେ ରାଜୀବ ନଗର ଥାନା ପ୍ରଭାରୀ ଏହି ମାମଲାରୁ ଯାଞ୍ଚ ଆରମ୍ଭ କରିଛନ୍ତି । ଏହି ଟିମ୍ ମୁମ୍ବାଇ ପୁଲିସ ସହ ମିଶିକରି ଯାଞ୍ଚ ଆରମ୍ଭ କରିଛି । ଏ ସୁଶାନ୍ତଙ୍କ ସହ ଅନ୍ୟମାନଙ୍କର ଡାଏରୀ ସହ ଅନ୍ୟ ଜରୁରୀ କାଗଜପତ୍ର ହାସଲ କରିବ ।
ସୁଶାନ୍ତ ସିଂ ରାଜପୁତ ଦୀର୍ଘ ଦିନ ଧରି ରିୟା ଚକ୍ରବର୍ତ୍ତୀଙ୍କୁ ଡେଟ୍ କରୁଥିଲେ । ରିୟା ମଧ୍ୟ ଏହି କଥାକୁ ସ୍ୱୀକାର କରିଛନ୍ତି। ଏହି ବର୍ଷର ଶେଷରେ ତାଙ୍କୁ ବିବାହ କରିବାର ଥିଲା । ଲକ୍ଡାଉନ୍ ସମୟରେ ରିୟା ସୁଶାନ୍ତଙ୍କସହ ଥିଲେ । ମାତ୍ର କୌଣସି କଥାକୁ ନେଇ ଝଗଡା ହେବାରୁ ସେ ତାଙ୍କୁ ଛାଡି ଚାଲିଯାଇଥିଲେ ।ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ପୂର୍ବତନ ଗର୍ଲଫ୍ରେଣ୍ଡ ତଥା ସହ-ଅଭିନେତା ଅଙ୍କିତା ଲୋଖଣ୍ଡେ ମଧ୍ୟ ବହୁତ ଦୁଃଖିତ ଅଛନ୍ତି। ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠାରୁ ଅଙ୍କିତା ସୋସିଆଲ ମିଡିଆଠାରୁ କିଛି ଦୂରରେ ରହିଛନ୍ତି। ଏହି ସମୟରେ ସୁଶାନ୍ତଙ୍କ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ସେ ଅଙ୍କିତାଙ୍କ ସହ ତାଙ୍କ ସମ୍ପର୍କ ବିଷୟରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି।