ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ କରୋନା ପଜେଟିଭ୍
ନୂଆଦିଲ୍ଲୀ – ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ କରୋନା । ଗତକାଲି ତାଙ୍କର ପରୀକ୍ଷଣକୁ କରୋନା ନେଗେଟିଭ୍ ଆସିଥିଲା । ମାତ୍ର ଦ୍ୱିତୀୟ ଥର ପରୀକ୍ଷଣକୁ ସେ କରୋନା ପଜେଟିଭ୍ ଥିବା ସୂଚନା ମିଳିଛି । କରୋନା ପଜେଟିଭ୍ ଜଣାପଡିବା ପରେ ତାଙ୍କୁ ରାଜୀବ ଗାନ୍ଧୀ ହସ୍ପିଟାଲ୍ରେ ଭର୍ତ୍ତି କରାଯାଇଛି । ସତ୍ୟେନ୍ଦ୍ର ଜୈନଙ୍କ ଶ୍ୱାସକ୍ରିୟାରେ ଅସୁବିଧା ସହ ଜର ହେବାରୁ ତାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମଙ୍ଗଳବାରରେ ତାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏବେ ତାଙ୍କୁ କରୋନା ପଜେଟିଭ୍ ହୋଇଥିବା ସୂଚନା ମିଳିଛି ।
ସତ୍ୟେନ୍ଦ୍ର ଜୈନା ନିଜେ ଟ୍ୱିଟ୍ କରି ତାଙ୍କ ଆଡମିଶନ ବିଷୟରେ ସୂଚନା ଦେଇଥିଲେ। ସେ ଟ୍ୱିଟରରେ ଲେଖିଛନ୍ତି ଯେ ଉଚ୍ଚ ଜ୍ୱର ଏବଂ ନିଶ୍ୱାସ ନେବାରେ ଅସୁବିଧା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ସେ ସମସ୍ତଙ୍କୁ ତାଜା ଅପଡେଟ୍ ଦେଉଥିବେ ବୋଲି କହିଛନ୍ତି। ସୂଚନାଯୋଗ୍ୟ ଯେ, ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନା କ୍ରମାଗତ ବୈଠକରେ ଯୋଗ ଦେଉଥିଲେ। କିଛି ଦିନ ତଳେ, ଯେତେବେଳେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ଅନ୍ୟାନ୍ୟ ଅଧିକାରୀଙ୍କ ସହ ଅନେକ ବୈଠକ କରିଥିଲେ ସେତେବେଳେ ସତ୍ୟେନ୍ଦ୍ର ଜୈନା ସ୍ୱାସ୍ଥ୍ୟମନ୍ତ୍ରୀ ଭାବରେ ଏହି ବୈଠକରେ ଉପସ୍ଥିତ ଥିଲେ।