ଲକଡାଉନରେ ବିବାହ କଲେ ତେଲୁଗୁ ସୁପରଷ୍ଟାର ନିଖିଲ ସିଦ୍ଧାର୍ଥ

 ମୁମ୍ବାଇ:-ତେଲୁଗୁ ଅଭିନେତା ନିଖିଲ ସିଦ୍ଧାର୍ଥ ଲକଡାଉନରେ ବିବାହ କରିଛନ୍ତି l ତାଙ୍କ ବିବାହ ଫଟୋ ମଧ୍ୟ ଭାଇରାଲ୍ ହୋଇଛି।୨୦୦୭ମସିହାରେ ‘ହ୍ୟାପ୍ପି ଡେସ’ ଫିଲ୍ମରୁ ପ୍ରସିଦ୍ଧି ପାଇଥିବା ସିଦ୍ଧାର୍ଥ ନିଜଠୁ ୧୦ବର୍ଷ ସାନ ଡାକ୍ତର ପଲ୍ଲବୀ ଶର୍ମାଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସେ ଦୀର୍ଘ ଦିନ ଧରି ତାଙ୍କ ପ୍ରେମିକା ଥିଲେ। ସେ ଇନଷ୍ଟାଗ୍ରାମ​ରେ ମଙ୍ଗନର କିଛି ଫଟୋ ସେୟାର କରିଛନ୍ତି।ସିଦ୍ଧାର୍ଥ ବିବାହ ପୂର୍ବରୁ ଇନଷ୍ଟାଗ୍ରାମ୍ ଷ୍ଟୋରୀରେ ଏକ ଫଟୋ ସେୟାର କରିଥିଲେ,ଯେଉଁଠି ସେ କ୍ୟାପସନ୍ ଲେଖିଥିଲେ,ପଲ୍ଲବୀ ଆଣ୍ଡ ନିଖିଲ ମାସ୍କ ହିଅର,ସାନିଟାଇଜର୍ସ ଦେୟାର ଲଭ ଏଭରି ହ୍ବେୟାର।ସିଲଭର ସ୍କ୍ରିନ୍ ସେଲବ୍ରିଟିଜ ନାମକ ଏକ ଫ୍ୟାନ୍ ପେଜ ଅଭିନେତାଙ୍କ ବିବାହ ଫଟୋ ଏବଂ ଭିଡିଓ ସେୟାର କରିଛନ୍ତି। ଗୋଟିଏ ଫଟୋରେ ଅତିଥିଙ୍କୁ ମାସ୍କ ପିନ୍ଧିଥିବା ଦେଖିବାକୁ ମିଳିଛି।ସିଦ୍ଧାର୍ଥଙ୍କୁ ୟୁବଥା,ବିଦୁ ଥେଡ଼ା,ସ୍ବାମୀ ରା ରା,କାର୍ତ୍ତିକେୟ,ସୂର୍ଯ୍ୟ ବନାମ ସୂର୍ଯ୍ୟ ଆଦି ଲୋକପ୍ରିୟ ଫିଲ୍ମ ପାଇଁ ଜଣାଯାଏ।ଏହା ପୂର୍ବରୁ ନିକଟରେ ଲକଡାଉନ୍ ଚାଲିଥିବାବେଳେ ତେଲୁଗୁ ଫିଲ୍ମ ଇଣ୍ଡଷ୍ଟ୍ରିର ଜଣାଶୁଣା ୪୯ ବର୍ଷ ବୟସ୍କ ପ୍ରଡ୍ୟୁସର ଦିଲ୍ ରାଜୁ ନିଜ ଝିଅ କହିବାରୁ ଦ୍ବିତୀୟ ବିବାହ କରିଥିଲେ।