ଖବର ଦାତା ନିଜେ ଖବର ହୋଇଗଲେ, କରୋନା ସଂକ୍ରମଣରେ ଗଲାଣି ୧୧୭ ସାମ୍ୱାଦିକଙ୍କ ଜୀବନ

ଲିମା,:-କରୋନା ସଂକ୍ରମଣରୁ ପ୍ରାୟ ୩,୮୮,୦୦୦ ଲୋକ ପ୍ରାଣ ହରାଇ ସାରିଲେଣି । ଏମାନଙ୍କ ଭିତରେ କିଛି ସାମ୍ୱାଦିକ ବି ଅଛନ୍ତି । କରୋନା ସଂକ୍ରମଣ ସମ୍ପର୍କରେ ଲୋକଙ୍କୁ ସଚେତନ କରିବାକୁ ଉଦ୍ୟମ କରୁଥିବା ଏବଂ ଏଭଳି ସଂକଟ ସମୟରେ ବି ଯୋଦ୍ଧାଙ୍କ ଭଳି ଲଢୁଥିବାବେଳେ ସାମ୍ୱାଦିକମାନେ ଏହାଦ୍ୱାରା ସଂକ୍ରମିତ ହୋଇଯାଉଛନ୍ତି । ଏ ପର୍ଯ୍ୟନ୍ତ ବିଶ୍ୱର ୩୧ଟି ଦେଶରେ ୧୧୭ ଜଣ ସାମ୍ୱାଦିକ ପ୍ରାଣ ହରାଇସାରିଲେଣି ।

କେବଳ ଲାଟିନ ଆମେରିକୀୟ ଦେଶ ପେରୁରେ କରୋନା ଯୋଗୁ ୨୦ ଜଣ ସାମ୍ୱାଦିକ ମୃତ୍ୟୁବରଣ କରିସାରିଲେଣି । ଲାଟିନ ଆମେରିକାର ଅନ୍ୟ କିଛି ଦେଶରେ ବି ସାମ୍ୱାଦିକମାନେ ପ୍ରାଣ ହରାଇଛନ୍ତି । ଇକ୍ୱେଡରରେ ୧୨ ଜଣ, ବ୍ରାଜିଲରେ ୮ ଜଣ ଏବଂ ନିକାରାଗୁଆରେ ଜଣେ ସାମ୍ୱାଦିକ ପ୍ରାଣ ହରାଇଛନ୍ତି । କିଛି ଦିନ ତଳେ ମୁମ୍ୱାଇରେ ବି ୫୦ରୁ ଅଧିକ ସାମ୍ୱାଦିକ କରୋନା ଦ୍ୱାରା ଆକ୍ରାନ୍ତ ହୋଇଥିବାର କୁହାଯାଇଥିଲା ।