ଅଣ୍ଡରଓ୍ବାର୍ଲ୍ଡ ଡନ୍ ଦାଉଦ୍ ଇବ୍ରାହିମ୍ ଓ ତା’ର ସ୍ତ୍ରୀ କରୋନା ପଜିଟିଭ

ନୂଆଦିଲ୍ଲୀ:-ସାରା ବିଶ୍ବକୁ ପ୍ରଭାବିତ କରିଛି କରୋନା ଭାଇରସ୍। ଧନୀଠାରୁ ନେଇ ଗରିବ ଓ ପିଲା-ବୁଢା କାହାରିକୁ ଛାଡୁନି କରୋନା। ଏବେ ଖବର ମିଳିଛି ଯେ, ଅଣ୍ଡର ଓ୍ବାର୍ଲ୍ଡ ଡନ୍ ଦାଉନ ଇବ୍ରାହିମ କରୋନା ପଜିଟିଭ। କେବଳ ଦାଉଦ୍ ନୁହେଁ ତା ପତ୍ନୀ ମହଜବିନ ମଧ୍ୟ କରୋନା ସଂକ୍ରମିତ। ଏହି ଘଟଣା ଜଣାପଡିବା ପରେ ଦାଉଦର ଗାର୍ଡ ଏବଂ ଅନ୍ୟ ଷ୍ଟାଫଙ୍କୁ କ୍ବାରେଣ୍ଟାଇନରେ ରଖାଯାଇଛି। ଦାଉଦ ଓ ତା ସ୍ତ୍ରୀ ପାକିସ୍ତାନର କରାଚୀରେ ଥିବା ମିଲିଟାରୀ ହସ୍ପିଟାଲରେ ଚିକିତ୍ସିତ ହେଉଛନ୍ତି।

ଉଲ୍ଲେଖନୀୟ ଯେ, ପାକିସ୍ତାନର କରାଚୀରେ ଲାଗାତାର ଭାବରେ କରୋନାର ମାମଲା ବଢିବାରେ ଲାଗିଛି। ପାକିସ୍ତାନ ପକ୍ଷରୁ ଯଦିଓ ବାରମ୍ବାର ଏହା ମନା କରାଯାଉଛି କିନ୍ତୁ ବାସ୍ତବିକ ଭାବରେ ପାକିସ୍ତାନରେ କରୋନା ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି।