ଆସନ୍ତାକାଲିଠୁ କଟକରେ ଅନଲାଇନରେ ବିକ୍ରି ହେବ ମଦ

କଟକ:- ଆସନ୍ତାକାଲିଠୁ କଟକରେ ଅନଲାଇନରେ ବିକ୍ରି ହେବ ମଦ । ମଦର ହୋମ ଡେଲିଭରୀ ହେବ ।ଏନେଇ କଟକ ମଦ ବ୍ୟବସାୟୀ ସଙ୍ଘ ସୂଚନା ଦେଇଛି ।

ସୂଚନାନୁଯାୟୀ, ରାଜ୍ୟ ସରକାର ଶନିବାର ମଦର ହୋମ ଡେଲିଭରୀ ଓ ଅନଲାଇନ୍ ମଦ ବିକ୍ରିକୁ ଅନୁମତି ଦେଇଥିଲେ । ତେବେ ଆଜି କୌଣସି ସ୍ଥାନରେ ଅନଲାଇନରେ ମଦ ବିକ୍ରି ହୋଇପାରି ନଥିଲା ।କାରଣ ବ୍ୟବସାୟୀମାନେ ବିଭିନ୍ନ ଦାବି ନେଇ ଅଡି ବସିଥିଲେ । ତେବେ ଆଲୋଚନା ପରେ କଟକ ମଦ ବ୍ୟବବସାୟୀ ସଙ୍ଘ ଅନଲାଇନ୍ ମଦ ବିକ୍ରି କରିବାକୁ ରାଜି ହୋଇଛି ।

ଗ୍ରାହକ ସକାଳ୭ରୁ ଦିନ ୧ଟା ଯାଏଁ ଅର୍ଡର କରିପାରିବେ ।ହ୍ୱାଟସଆପ୍, ମୋବାଇଲ ନମ୍ବର ଓ କଲ୍ ମାଧ୍ୟମରେ ଅର୍ଡର କରିହେବ । ମଦ କାଉଣ୍ଟରର କର୍ମଚାରୀ ହୋମ ଡେଲିଭରୀ କରିବେ ।ଦିନ ୧ଟୁର ସନ୍ଧ୍ୟା ୬ଟା ଯାଏଁ ଗ୍ରାହକଙ୍କୁ ମଦ ମିଳିବ ।ଜିଲ୍ଲା ଅବକାରୀ ଅଧୀକ୍ଷକ ଓ ମଦ ବ୍ୟବସାୟୀ ସଙ୍ଘ ପକ୍ଷରୁ ଏହି ସୂଚନା ଦିଆଯାଇଛି ।