ବ୍ୟାଡମିଣ୍ଟନ ଖେଳ ବେଳ ବୁଲିଲା ଖଣ୍ଡା,୨ଜଣ ଯୁବକ ଆହତ

ଭୁବନେଶ୍ୱର:- ସହିଦନଗର ଥାନା ଅଞ୍ଚଳରେ ଦାଦାବଟି କେନ୍ଦ୍ରକରି ୨୦ ରୁ ଅଧିକ ଦୁର୍ବୃତ୍ତ ଖଣ୍ଡା,ଭୁଜାଲି ଧରି ଅତର୍କିତ ଭାବେ ଆସି ବ୍ୟାଡମିଣ୍ଟନ ଖୋଳୁଥିବା ଛାତ୍ରମାନଙ୍କୁ ଗୋଡେଇ ଗୋଡେଇ ହାଣିଥିଲେ । ଦୁର୍ବୃତ୍ତମାନଙ୍କ ଖଣ୍ଡା ଓ ଭୁଜାଲି ଚୋଟରେ ବିପ୍ଳବ ପରିଡା ଓ ତାଙ୍କର ୩ ସହଯୋଗୀ ଆହତ ହୋଇଥିବା ଜଣାପଡିଛି । ସେମାନଙ୍କୁ କ୍ୟାପିଟାଲ ହସ୍ପିଟାଲକୁ ପଠାଇ ଦିଆଯାଇଛି ।
ସୂଚନାଯୋଗ୍ୟ ଯେ, ସହିଦନଗର ଥାନା ପଛପଟେ ଥିବା ଏକ ପଡିଆରେ କିଛି ଯୁବକ ବ୍ୟାଡମିଣ୍ଟନ ଖେଳୁଥିଲେ । ସନ୍ଧ୍ୟାରେ ୨୦ ରୁ ଅଧିକ ଯୁବକ ହାତରେ ଖଣ୍ଡା ଓ ଭୁଜାଲି ଧରି ସେଠାରେ ପହଞ୍ଚି ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ସେଠାରେ ଥିବା କିଛି ପ୍ରତ୍ୟେକ୍ଷଦର୍ଶର୍ି ସେମାନଙ୍କୁ ବୁଝାଇବାକୁ ଉଦ୍ୟମ କରିଥିଲେ ମଧ୍ୟ ସେମାନେ ବୁଝିନଥିଲେ ବରଂ ତାଙ୍କୁ ଧମକ ଚମକ ଦେଇଥିଲେ । କିଛି ନ ବୁଝି ବ୍ୟାଡମିଣ୍ଟନ ଖେଳୁଥିବା ଯୁବକଙ୍କୁ ଅତର୍କିତ ଭାବେ ଆକ୍ରମଣ କରିଥିଲେ । ୪ଦିନ ତଳେ ଉକ୍ତ ସ୍ଥାନରେ ଦୁଇ ଗୋଷ୍ଠୀ ମଧ୍ୟରେ ଝଗଡା ହୋଇଥିଲା ଏହାକୁ କେନ୍ଦ୍ରକରି ଏଭଳି ହଣାକଟା ହୋଇଥିବା ପୁଲିସ ସନ୍ଦେହ କରୁଛି ।