ଯବାନଙ୍କ ବସ୍ ଉଡ଼ାଇଦେଲେ ମାଓବାଦୀ, ୩ ଡିଆରଜି ଯବାନ ସହିଦ

ମାଲକାନଗିରି: ମାଲକାନଗିରି ସୀମାନ୍ତ ଛତିଶଗଡ଼ ନାରାୟଣପୁର ଜିଲ୍ଲାରେ ମାଓବାଦୀ ହିଂସାକାଣ୍ଡ ଘଟାଇଛନ୍ତି । କମ୍ବିଂ ସାରି ଫେରୁଥିବା ବେଳେ ଯବାନଙ୍କ ବସ୍ ଉଡ଼ାଇ ଦେଇଛନ୍ତି ମାଓବାଦୀ । ଏଥିରେ ଡିଷ୍ଟ୍ରିକ୍ଟ ରିଜର୍ଭ ଗାର୍ଡ଼ (DRG)ର ତିନିଜଣ ଯବାନ ସହିଦ ହୋଇଥିବା ସୂଚନା ମିଳିଛି ।ବିସ୍ଫୋରଣରେ ୨୦ରୁ ଅଧିକ ଯବାନ ଆହତ ହୋଇଥିବା ବେଳେ ୧୦ ଜଣଙ୍କ ଅବସ୍ଥା ଗୁରୁତର ରହିଛି । ଗୁରୁତର ଯବାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । କମ୍ବିଂ ଅପରେସନ୍ ସାରି ୨୪ ଜଣ ଯବାନ ବସରେ ଫେରୁଥିବା ବେଳେ ଧୋଡ଼ାଇ ପଲ୍ଲେନାର ରାସ୍ତାରେ ନକ୍ସଲ୍ ଆଇଇଡି ବିସ୍ଫୋରଣ କରିଛନ୍ତି ।