କରୋନା ଆକ୍ରାନ୍ତ ବନପାଳ ଦାଶରଥୀ ସାହୁଙ୍କର ଦେହାନ୍ତ

ବେତନଟୀ:-ବେତନଟୀ ରେଞ୍ଜ କାର୍ଯ୍ୟାଳୟରେ ଡ୍ୟୁଟି କରୁଥିବା ବନପାଳ ଦାଶରଥୀ ସାହୁଙ୍କର ଦେହାନ୍ତ ହୋଇଯାଇଛି । ବେତନଟୀ ରେଞ୍ଜ କାର୍ଯ୍ୟାଳୟରେ କାର୍ଯ୍ୟରତ ବନପାଳ ଦାଶରଥୀ ସାହୁ ପ୍ରଥମେ ପଜିଟିଭ ଚିହ୍ନଟ ପରେ ସେ ହୋମ ଆଇସୋଲେସନରେ ରହିଥିଲେ । ଏହାପରେ ସାମାନ୍ୟ ଲକ୍ଷଣ ଦେଖାଯାଉଥିବା କିଛି କର୍ମଚାରୀଙ୍କ ସମେତ ସେମାନଙ୍କ ପରିବାରବର୍ଗଙ୍କ ନମୂନା ପରୀକ୍ଷଣ ପରେ ମୋଟ ୧୧ଜଣ ପଜିଟିଭ ଚିହ୍ନଟ ହୋଇଥିଲେ ।

ତେବେ ସମସ୍ତ ଆକ୍ରାନ୍ତ ହୋମ ଆଇସୋଲେସନରେ ଥିବାବେଳେ ବନପାଳ ଦାଶରଥୀ ସାହୁଙ୍କର ମଧୁମେହରୋଗ ଥିବାରୁ ତାଙ୍କର ସ୍ୱାସ୍ଥ୍ୟବସ୍ଥା ଅଧିକ ଜଟିଳ ଆଡକୁ ଗତି କରିଥିଲା । ଶେଷରେ ତାଙ୍କୁ ଭୁବନେଶ୍ୱରସ୍ଥିତ ଏକ ଘରୋଇ କୋଭିଡ ହସ୍ପିଟାଲୁ ସ୍ଥାନାନ୍ତର କରାଯାଇଥିବା ବେଳେ ସୋମବାର ସକାଳେ ତାଙ୍କର ଦେହାନ୍ତ ହୋଇଯାଇଥିଲା । ତାଙ୍କର ଦେହାନ୍ତ ଖବରପାଇ ରେଞ୍ଜର ଘନଶାମ ସିଂ, ବନପାଳ ସୁଶାନ୍ତ ବାଗ, ବନପାଳ ପ୍ରଶାନ୍ତ ସିଂସାମନ୍ତ, ବନପାଳ ଶିରିଶ ଦଳେଇ, ବନପାଳ ହିମାଂଶୁ ମହାନ୍ତଙ୍କ ସମେତ ସମସ୍ତ ବନରକ୍ଷୀ, କର୍ମଚାରୀ, ପାରାବନକର୍ମଚାରୀ ଶୋକବ୍ୟକ୍ତ କରିଛନ୍ତି।