ବଜ୍ରପାତ ନେଲା ୬ ଜୀବନ

ଭୁବନେଶ୍ବର:-ଆଜି ରାଜ୍ୟର ବିଭିନ୍ନ ସ୍ଥାନରେ ଘଡଘଡି ସହ ପ୍ରବଳ ବର୍ଷା ହୋଇଛି । ବ୍ରଜାପାତରେ ୬ ଜଣଙ୍କ ମୃତ୍ୟୁ ହୋଇଛି । ଆନନ୍ଦପୁରରୁ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ବାଳେଶ୍ୱର ଭୋଗରାଇରୁ ଜଣେ ଓ ଜଳେଶ୍ୱରୁ ଜଣକ ମୃତ୍ୟୁ ହୋଇଛି । ଆଜି ସକାଳୁ ଆନନ୍ଦପୁର ଉପଖଣ୍ଡରେ ଘଡଘଡି ସହ ପ୍ରବଳ ବର୍ଷା ହୋଇଛି । ଖାସ କାଟିବାକୁ ଯାଇଥିବା ବେଳେ ନନ୍ଦିପଦା ଥାନା ଇଚୋଂଳ ଗାଁର ଗଣେଶ ଜେନାର ମୃତ୍ୟୁ ହୋଇଥିବା ବେଳେ ଭିଣେଇ ଘରକୁ ତଳି ରୋଇବାକୁ ଯାଇଥିବା ବାହାରିପୁର ଗାଁର ବଲ୍ଲଭ ବେହେରାଙ୍କ ବଜ୍ରପାତରେ ମୃତ୍ୟୁ ହୋଇଛି ।ସେହିପରି ଘସିପୁରା ବ୍ଲକ ରାମଚନ୍ଦ୍ରପୁର ଥାନା ସାପୁଆ ସାହିର ପୂର୍ଣ୍ଣଚନ୍ଦ୍ର ମୁଣ୍ଡାଙ୍କ ଘାସ କାଟିଥିବା ବେଳେ ମୃତ୍ୟୁ ହୋଇଛି । ସେପଟେ ବାଲେଶ୍ୱର ଜଳେଶ୍ୱର ବ୍ଲକ ପଢିସାରିପୁର ଗାଁରେ ବଜ୍ରପାତରେ ଜଣେ ଯୁବକଙ୍କର ମୃତ୍ୟୁ ହୋଇଛି । ୩ ଜଣ ଗୁରୁତର ହୋଇଛନ୍ତି । ଜମିରେ କାମ କରୁଥିବା ବେଳେ ଘଡଘଡି ମାରିବାରୁ କାର୍ତିକ ମହାନ୍ତିଙ୍କ ମୃତ୍ୟୁ ହୋଇଛି । ଭୋଗରାଇରେ ବି ଜଣକ ବଜ୍ରାଘାତରେ ମୃତ୍ୟୁ ହୋଇଛି ।