ଭୁବନେଶ୍ୱରରେ ହେବ ନିରାଡମ୍ବର ଦୁର୍ଗା ପୂଜା,ଦୁଆର ଦୁଆର ବୁଲି ଆଦାୟ ହେବନି ଚାନ୍ଦା
ଭୁବନେଶ୍ୱର:-ମହାମାରୀ କରୋନା ଯୋଗୁଁ ଏଥର କଟକଣା ଯୁକ୍ତି ପୂଜା ପାଇଁ ନିଷ୍ପତି ହୋଇଛି । ବିନା ତୋରଣ ଓ ବିନା ସାଜସଜାରେ କେବଳ ମଣ୍ଡପରେ ମାଆ ଦୁର୍ଗତୀନାସିନ ଦୁର୍ଗାଙ୍କ ପୂଜା କରାଯିବ । ମଣ୍ଡପରେ ୧୦ରୁ ଅଧିକ ପୂଜା କମିଟି ସଦସ୍ୟ ସାମିଲ ହୋଇ ପାରିବେ ନାହିଁ । କି ଭକ୍ତମାନେ ମାଆଙ୍କୁ ପୂଜା କରିବା ପାଇଁ ମଣ୍ଡପକୁ ଆସି ପାରିବେ ନାହିଁ ଭକ୍ତ । ତେବେ ପରମ୍ପରା ରକ୍ଷା ପାଇଁ ରାଜଧାନୀର ବିଭିନ୍ନ ମଣ୍ଡପରେ ନିରାଡମ୍ବର ଭାବେ ଦୂର୍ଗା ପୂଜା କରାଯିବ । ୯୦ ପ୍ରତିଶତରୁ କମ୍ ଖର୍ଚ୍ଚ କରାଯବ । ଦୁଆର ଦୁଆର ବୁଲି ଚାନ୍ଦା ଆଦାୟ କରାଯିବ ନାହିଁ ବୋଲି ମୋଟ ୧୮୪ପୂଜା କମିଟି ଭୁବନେଶ୍ୱର ଭସାଣି ସମିତିର ସମ୍ପାଦକ ଦିଲ୍ଲୀପ ମହାନ୍ତି ଏହି ସୂଚନା ଦେଇଛନ୍ତି ।ଏନେଇ ପୁଲିସ କମିଶନର ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି । ଏହାସହ ଚଳିତ ବର୍ଷ ରାବଣ ପୋଡି ହେବ ନାହିଁ । କି ଆଡମ୍ବର ପୂର୍ଣ୍ଣ ଭସାଣୀ ଉତ୍ସବ କରାଯିବ ନାହିଁ । ପୂଜା କମିଟି ସଦସ୍ୟ ମାନେ ଚାନ୍ଦା ଆଦାୟ କରି ପାରିବେ ନାହିଁ । ଯାହା ଇଚ୍ଛି ଯେତିକି ହେବ ସେ ସେତିକି ଦେବେ । ବେଶ ବଡ ମୂର୍ତି ତିଆରି କରାଯିବ । ନାହିଁ ୪ରୁ ୫ ଫୁଟ ଉଚ୍ଚର ମୂର୍ତି ତିଆରି କରି ପୂଜା କରାଯିବ । ଆଜି ଭୁବନେଶ୍ୱର ପୂଜା କମିଟି ଓ କମିଶନରେଟ୍ ପୁଲିସ ବୈଠକରେ ଏହି ନିଷ୍ପତି ନିଆଯାଇଛି ।
୧- ପୂଜାରେ ତୋରଣ ଓ ଆଲୋକାମଳା ଲାଗିବନି, ମାଇକ ବାଜିବନି
୨- କେବଳ ମନ୍ତ୍ରପାଠ ଲାଗି ମାଇକ ବାଜିବ କି ନାହିଁ ବିଚାର କରାଯିବ
୩- ପୂଜା କମିଟିର ମାତ୍ର ୧୦ ଜଣ ସଦସ୍ୟଙ୍କୁ ନେଇ ପୂଜା କରାଯିବ
୪- ଘର ଘର ବୁଲି ଚାନ୍ଦା କରାଯିବନି, ସ୍ୱଇଚ୍ଛାରେ ଯିଏ ଯାହା ଦେବେ
୫- ଲୋକ ମଣ୍ଡପକୁ ନଆସି ଘରେ ରହି ପୂଜା ପାଳନ କରିବେ
୬- ମୂର୍ତ୍ତିର ଉଚ୍ଚତା ୪ରୁ ୫ଫୁଟ ମଧ୍ୟରେ ରହିବ, ନିର୍ଦ୍ଧିଷ୍ଟ ଉଚ୍ଚତା ହେବ
୭- ରାବଣ ପୋଡ଼ି ହେବନାହିଁ କି ଭସାଣ ଉତ୍ସବ କରାଯିବ ନାହିଁ
୮- କେବଳ ମୂର୍ତ୍ତି ବିସର୍ଜନ ଜରାଯିବ