ଆସନ୍ତା ୪ରେ ଯୁକ୍ତ ଦୁଇ ଆବେଦନର ଶେଷ ତାରିଖ
ଭୁବନେଶ୍ୱର:- ରାଜ୍ୟରେ ସମସ୍ତ ଉଚ୍ଚ ମାଧ୍ୟମିକ ସ୍କୁଲ ଗୁଡିକରେ ଯୁକ୍ତ ଦୁଇରେ ନାମଲେଖା ପାଇଁ ଆସନ୍ତା ୪ ସେପ୍ଟେମ୍ବରରେ ଆବେଦନ ସମୟ ଶେଷ ହେଉଛି । ବର୍ତ୍ତମାନ ସୁଦ୍ଧା ଷ୍ଟୁଡେଣ୍ଟ ଏକାଡେମିକ୍ ମ୍ୟାନେଜ୍ମେଣ୍ଟ ସିଷ୍ଟମ୍ (ସାମ୍ସ)ରେ ସମୁଦାୟ ୨ ଲକ୍ଷ ୭୦ ହଜାର ୭୪୦ ।ତ୍ରଛାତ୍ରୀ ପଞ୍ଜୀକରଣ କରିସାରିଛନ୍ତି। ସମୁଦାୟ ୨ ଲକ୍ଷ ୩୨ ହଜାର ୬ ଜଣ ଆବେଦନ କରିଥିବାବେଳେ ୨ ଲକ୍ଷ ୧୪ ହଜାର ୧୯୩ ଫି’ ଦାଖଲ କରିଛନ୍ତି ।
ଆବେଦନ ପ୍ରକ୍ରିୟା ଶେଷ ହେବା ପରେ ସେପ୍ଟେମ୍ବର ୯ରେ ପ୍ରଥମ ମେଧା ତାଲିକା ପ୍ରକାଶ ପାଇବ । ପରେ ୧୧ରୁ ୧୯ ତାରିଖ ପର୍ଯ୍ୟନ୍ତ ଯୋଗ୍ୟ ବିବେଚିତ ଛାତ୍ରଛାତ୍ରୀଙ୍କ ନାମଲେଖା ହେବ । ନାମ ଲେଖାଇଥିବା ଛାତ୍ରଛାତ୍ରୀ ୧୧ରୁ ୨୦ ତାରିଖ ସୁଦ୍ଧା ସ୍ଲାଇଡ୍-ଅପ୍ ପାଇଁ ଆବେଦନ କରିପାରିବେ । ସେହିପରି ୨୩ ରେ ଦ୍ୱିତୀୟ ମେଧା ତାଲିକା ପ୍ରକାଶ ପାଇବ। ଏହି ପର୍ଯ୍ୟାୟରେ ଚୟନ ହୋଇଥିବା ଛାତ୍ରଛାତ୍ରୀଙ୍କ ନାମଲେଖା ୨୪ରୁ ୨୮ ତାରିଖ ଯାଏ ହେବ ।