ଶୋଇଥିଲା ବଡ଼ ଭାଇ, ଟାଙ୍ଗିଆ ହାଣିଦେଲା ସାନ ଭାଇ
ପାଲଲହଡ଼ା:-ସାନଭାଇ ଟାଙ୍ଗିଆ ଚୋଟରେ ବଡ଼ ଭାଇ ମୃତ । ଅନୁଗୋଳ ଜିଲ୍ଲା ସମଲ ଥାନା ଶିପୁର ଗାଁରେ ଘଟିଛି ଏଭଳି ଅଭାବନୀୟ ଘଟଣା ।ସୂଚନାଯୋଗ୍ୟ ଯେ, ସାମାନ୍ୟ କଥାକୁ କେନ୍ଦ୍ର କରି ସାନଭାଇ ନିରଞ୍ଜନ ବାରିକ ବିଳମ୍ବିତ ରାତିରେ ବଡ଼ଭାଇ ଶୋଇ ଥିବା ଅବସ୍ଥାରେ ତାଙ୍କ ବେକକୁ ଏକ ଟାଙ୍ଗିଆରେ ହାଣି ଦେଇଥିଲେ । ଯାହାଫଳରେ କି ଘଟଣା ସ୍ଥଳରେ ହିଁ ବଡ ଭାଇ ରଞ୍ଜନ ବାରିକଙ୍କ ମୃତ୍ୟୁ ହୋଇଥିଲା । ଅଭିଯୁକ୍ତ ନିରଞ୍ଜନ ସମଲ ଥାନାରେ ଆତ୍ମସମର୍ପଣ କରିଥିବା ବେଳେ ଘଟଣାସ୍ଥଳକୁ ଯାଇ ଶବ ଜବତ କରି ତଦନ୍ତ କରୁଛି ପୋଲିସ । ଆବଶ୍ୟକ ପଡିଲେ ଫରେନସିକ ଟିମ୍କୁ ମଧ୍ୟ ଘଟଣାସ୍ଥଳକୁ ଡକାଯିବାର ସମ୍ଭାବନା ରହିଛି ।