ସେଲ୍ଫି ନେଲା ଜୀବନ – ନୃସିଂହନାଥ ଝରଣାରୁ ପଡି ଜଣେ ମୃତ
ପଦ୍ମପୁର; – ଏବେ ସେଲ୍ଫି ମାୟାରେ ସମସ୍ତେ ବାୟା । ଏହି ସମୟରେ ନିଜର ସୁରକ୍ଷା ପ୍ରତି ବି ଧ୍ୟାନ ଦେଉ ନାହାନ୍ତି । ଏପରି ସେଲ୍ଫି ନେବା ବେଳେ ଜଣେ ଯୁବକଙ୍କର ମୃତ୍ୟୁ ହୋଇଥିବା ବେଳେ ଜଣେ ନିଖୋଡ ହୋଇ ଯାଇଛନ୍ତି ।
ପଦ୍ମପୁର ଉପାଖଣ୍ଡ ପାଇକମାଲ ଥାନା ନୃସିଂହନାଥ ଠାରେ ଥିବା ଝରଣା ଉପରୁ ଫଟୋ ଉଠାଉଥିବା ସମୟରେ ଦୁଇ ଜଣ ଯୁବକ ଖସି ପଡିଥିଲେ । ଏହି ଯୁବକ ମାନେ ପାଇକମାଲ ଥାନା ଅନ୍ତର୍ଗତ ଝିଟିକି ଗ୍ରାମ ବିଜୟ ମହାକୁଡ( ୧୮ ) ଓ କ୍ଷୀରୋଦ ସୁନା ( ୧୮ ) । ଯୁବକ ମାନେ ଝରଣା ଉପରକୁ ବୁଲିବାକୁ ଯାଇ ଫଟୋ ଉଠାଉଥିବା ବେଳେ ଅସାବାଧନା ହେବାରୁ ଖସି ପଡିଥିଲେ । ଏହି ସମୟରେ ତାଙ୍କ ସହ ଥିବା ଅନ୍ୟ ଜଣେ ଘଟଣା ସମ୍ପର୍କରେ ଅନ୍ୟମାନଙ୍କୁ ଜଣାଇଥଇଲେ। ପୁଲିସ ଏବଂ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ
ଜଣଙ୍କର ଶବକୁ ସନ୍ଧ୍ୟା ସୁଦ୍ଧା ଉଦ୍ଧାର କରାଯାଇଥିବା ବେଳେ ଆଉ ଜଣେ ନିଖୋଜ ଅଛନ୍ତି । ଏହି ଘଟଣାପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।