ଇସ୍ତଫା ଦେଲେ ନିର୍ବାଚନ କମିଶନର
ନୂଆଦିଲ୍ଲୀ – ଭାରତର ନିର୍ବାଚନ କମିଶନ ପଦରୁ ଇସ୍ତଫା ଦେଲେ ଅଶୋକ ଲାଭାସା । ADB (Asian Development Bank )ର ଉପାଧ୍ୟକ୍ଷ ହେବେ ଅଶୋକ ।
ସୂଚନା ମୁତାବକ ମଙ୍ଗଳବାର ଦିନ ନିର୍ବାଚନ କମିଶନର ପଦରୁ ଅଶୋକ ଲାଭାସା ଇସ୍ତଫା ଦେଇଛନ୍ତି । ସେ ନିଜର ଇସ୍ତଫା ପତ୍ର ପ୍ରେସିଡେଣ୍ଟ ରାମନାଥ କୋବିନ୍ଦଙ୍କ ପାଖରେ ଦାଖଲ କରିଛନ୍ତି ଏବଂ ଅଗଷ୍ଟ ୩୧ରେ ତାଙ୍କୁ ଏହି ପଦରୁ ବିଶ୍ରାମ ଦେବାକୁ ଅନୁରୋଧ କରିଛନ୍ତି । ସେ ସେପ୍ଟେମ୍ୱରରେ ADBର ନୂଆ ଭାଇସ୍ ପ୍ରେସିଡେଣ୍ଟ ଭାବେ ଯୋଗ ଦେବେ ।
ଉଲ୍ଲେଖନୀୟ ଯେ, ଦ ଇଣ୍ଡିଆନ୍ ଏକ୍ସପ୍ରେସ ଅନୁସାରେ , ପ୍ରେସିଡେଣ୍ଟ ତାଙ୍କର ଇସ୍ତଫା ପତ୍ରକୁ ଗ୍ରହଣ କରିଛନ୍ତି ନା ନାହିଁ ତାହା ସ୍ପଷ୍ଟ ହୋଇନାହିଁ ।
ଅଶୋକ ଲାଭାସା ଜଣେ ଅବସର ପ୍ରାପ୍ତ ହରିଆଣା କାଡରର ୧୯୮୦ ବ୍ୟାଚ୍ର ଆଇଏଏସ୍ ଅଫିସର । ସେ ଜାନୁୟାରୀ ୨୦୧୮ରେ ନିର୍ବାଚନ କମିଶନର ଭାବେ ନିଯୁକ୍ତ ହୋଇଥିଲେ । ଏହା ପୂର୍ବୁର ସେ ଜୁନ୍ ୨୦୧୬ରୁ ଅକ୍ଟୋବର ୨୦୧୭ଯାଏ ଭାରତର ଫାଇନାନ୍ସ ସେକ୍ରେଟାରୀ ହୋଇଥିଲେ ।