କରଣ ଜୋହରଙ୍କ ଠାରୁ ପଦ୍ମଶ୍ରୀ ଫେରେଇ ଆଣିବାକୁ ଦାବି
ମୁମ୍ୱାଇ – କରଣ ଜୋହରଙ୍କର ପ୍ରଡକ୍ସନ କମ୍ପାନୀ ଅଧିନରେ ତିଆରି ଫିଲ୍ମ ‘ଗୁଞ୍ଜନ ସକ୍ସେନା : ଦ କାର୍ଗିଲ୍ ଗର୍ଲ ’କୁ ନେଇ ଅଭିନେତ୍ରୀ କଙ୍ଗନା ରଣାୱତ ତୀବ୍ର ପ୍ରତିବାଦ କରିଛନ୍ତି । ସେ ଉକ୍ତ ଫିଲ୍ମକୁ ଆଣ୍ଟିନ୍ୟାସନାଲ କହି ସରକାରଙ୍କ ଠାରୁ କରଣ ଜୋହରଙ୍କ ପଦ୍ମଶ୍ରୀ ସମ୍ମାନ ଫେରେଇ ନେବାକୁ ଦାବି କରିଛନ୍ତି । ସେ କରଣଙ୍କ ଉପରେ ଖୋଲାଖୋଲି ଧମକ ଦେବାର ଅଭିଯୋଗ ମଧ୍ୟ କରିଛନ୍ତି ।କଙ୍ଗନା ଟ୍ୱିଟ୍ କରି କହିଛନ୍ତି କି , ମୁଁ ସରକାରଙ୍କୁ କରଣ ଜୋହରଙ୍କର ପଦ୍ମଶ୍ରୀ ଫେରେଇ ନେବାକୁ ଅନୁରୋଧ କରୁଛି । ସେ ମୋତେ ଇଣ୍ଡଷ୍ଟ୍ରୀ ଛାଡ଼ିବାକୁ ଧମକାଇଛନ୍ତି ଏବଂ ସୁଶାନ୍ତଙ୍କ କ୍ୟାରିୟରକୁ ନଷ୍ଟ କରିବାର ଚକ୍ରାନ୍ତ କରିଛନ୍ତି । ସେ ଉରୀର ଲଢ଼ାଇ ସମୟରେ ପାକିସ୍ତାନର ସମର୍ଥନ କରିଥିଲେ ଏବଂ ଆମ ସେନା ବିରୁଦ୍ଧରେ ଏକ ଆଣ୍ଟିନ୍ୟାସନାଲ ଫିଲ୍ମ କରିଛନ୍ତି ।