୮୩ ବର୍ଷିୟା ବୟସ୍କା ମହିଳାଙ୍କୁ ଗଣଦୁଷ୍କର୍ମ
ଝାଡ଼ଖଣ୍ଡ – ମାନବିକତାକୁ ଲଜ୍ଜା। ଏମିତି ଏକ ଘଟଣା ସାମନାକୁ ଆସିଛି । ଯେଉଁଠି ୮୩ ବର୍ଷିୟା ଜଣେ ବୟସ୍କା ମହିଳାଙ୍କ ସହ ଦୁଇ ଜଣ ଯୁବକ କରିଛନ୍ତି ଗଣଦୁଷ୍କର୍ମ । ଏହି ଘଟଣାରେ ସଂପୃକ୍ତ ଗାଁରେ ଲୋକେ କ୍ରୋଧାନ୍ୱିତ ହୋଇ ଉଠିଥିଲେ । ପୁଲିସ୍ ଏହି ଦୁଇ ଅଭିଯୁକ୍ତଙ୍କୁ ଗିରଫ କରି ଜେଲ ପଠାଇଦେଇଛି । ଗାଁ ଲୋକେ ଏହି ଅଭିଯୁକ୍ତଙ୍କୁ ଫାଶୀଦଣ୍ଡ ଦେବାକୁ ଦାବି କରିଛନ୍ତି।
ଏହି ଘଟଣା ଝାଡ଼ଖଣ୍ଡର ଚତରା ଜିଲ୍ଲାର ରାଜପୁର ଥାନା ଅଞ୍ଚଳର କେନ୍ଦୁୱା ସହୋର ଗାଁରେ ଗୁରୁବାର ରାତିରେ ହୋଇଛି । ବୟସ୍କା ମହିଳା ଘରେ ଏକଲା ଶୋଇଥିଲେ। ସେତେବେଳେ ମଦ ନିଶାରେ ଗାଁର ଦୁଇ ଯୁବକ ଏହି ବୟସ୍କା ମହିଳାଙ୍କ ଘରେ ପଶି ତାଙ୍କ ସହ ଦୁଷ୍କର୍ମ କରିଥିଲେ ।
ଥାନା ପ୍ରଭାରୀ ମନୋଜ ପାଳ କହିଛନ୍ତି ଦୁଇ ଅଭିଯୁକ୍ତ ୨୨ ବର୍ଷିୟ ରାଜେଶ କୁମାର ସିଂହ ଓ ୧୯ ବର୍ଷିୟ ରତନ ସିଂହଙ୍କୁ ଗିରଫ କରାଯାଇଛି । ଯେବେ ଏହି ମାମଲାର ସୂଚନା ଗାଁରେ ବ୍ୟାପିଗଲା କିଛି ଲୋକ ଏହି ଘଟଣାକୁ ଚାପି ଦେବାକୁ ପ୍ରୟାସ କରୁଥିଲେ । ଏମିତି କି ପୀଡ଼ିତାଙ୍କୁ ପୁଲିସ୍ଙ୍କ ପାଖକୁ ନଯିବାକୁ ମଧ୍ୟ କହିଥିଲେ ।