ରିୟା ଚକ୍ରବର୍ତ୍ତୀଙ୍କ ବିରୋଧରେ ମିଳିଲା ଗୁରୁତ୍ୱପୂର୍ଣ୍ଣ ପ୍ରମାଣ, ହୋଇପାରନ୍ତି ଗିରଫ
ପାଟଣା :– ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ପାଟନାରେ ଏକ ଏଫଆଇଆର ଆଧାରରେ ଯାଞ୍ଚ ପାଇଁ ବିହାର ପୋଲିସ ଦଳ ତଦନ୍ତ ପାଇଁ ମୁମ୍ବାଇରେ ଅଛନ୍ତି। ସୂତ୍ରରୁ ପ୍ରକାଶ ଯେ ବିହାର ପୋଲିସ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ଉପରେ ଚାପ ପକାଇଛି। ଏହି ସମୟରେ, ରିୟା ପଚରାଉଚରା ଏବଂ ଗିରଫଦାରୀକୁ ଏଡ଼ାଇବା ପାଇଁ କ୍ରମାଗତ ଭାବରେ ନିଜର ଠିକଣା ପରିବର୍ତ୍ତନ କରୁଛନ୍ତି । ରିୟାଙ୍କ ବିରୋଧରେ ଦୃଢ଼ ପ୍ରମାଣ ସଂଗ୍ରହ କରି କୋର୍ଟରୁ ଗିରଫ ୱାରେଣ୍ଟ ସଂଗ୍ରହ କରିବାକୁ ବିହାର ପୋଲିସ ମନୋବଳ ରଖିଛି।
ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କର ଜୁନ୍ ୧୪ ତାରିଖ ଦିନ ମୁମ୍ବାଇରେ ଥିବା ତାଙ୍କ ଫ୍ଲାଟରେ ମୃତଦେହ ଉଦ୍ଧାର କରାଯାଇଥିଲା। ଏହି ମାମଲାରେ ସୁଶାନ୍ତଙ୍କ ପିତା କେ.କେ ସିଂ ପାଟଣାର ରାଜୀବ ନାଗର ପୋଲିସ ଷ୍ଟେସନରେ ଚୋରା ଚାଲାଣ, ବ୍ଲାକମେଲ, ନିର୍ଯାତନା ତଥା ପୁଅର ପ୍ରେମିକା ରିୟା ଚକ୍ରବର୍ତ୍ତୀଙ୍କ ବିରୋଧରେ ଆତ୍ମହତ୍ୟା ଭଳି ଅନେକ ଗୁରୁତର ଅଭିଯୋଗ ଆଣିଛନ୍ତି। ଏହି ସଂପର୍କରେ ପାଟନା ପୋଲିସ ଟିମ୍ ମୁମ୍ବାଇ ଯାଇଛନ୍ତି।
ପୋଲିସ ସୂତ୍ର ଅନୁଯାୟୀ, ରିୟା ଚକ୍ରବର୍ତ୍ତୀଙ୍କ ନିକଟରେ ପହଞ୍ଚିବା ପାଇଁ ପୋଲିସ ସମସ୍ତ ଅଭିଯୋଗ ସହ ଜଡିତ ପ୍ରମାଣ ସଂଗ୍ରହ କରୁଛି। ପୋଲିସ ଏହାର ତଦନ୍ତରେ ବ୍ୟାଙ୍କ ସହ ଜଡିତ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଉପରେ ବିଚାର କରୁଛି। ପ୍ରମାଣ ସଂଗ୍ରହ କରିବା ପରେ ବିହାର ପୋଲିସ ରିୟାଙ୍କୁ ଗିରଫ ୱାରେଣ୍ଟ ପାଇଁ କୋର୍ଟରେ ଆବେଦନ କରିବ। ଏହା ପରେ ପାଟନା ପୋଲିସ ମହିଳା ଇନ୍ସପେକ୍ଟର ଏବଂ ମହିଳା ପୋଲିସର ଏକ ଟିମ୍ ଏଠାରୁ ମୁମ୍ବାଇ ପଠାଇବ।
ବର୍ତ୍ତମାନ ପୋଲିସ ରିୟାଙ୍କୁ ପଚରାଉଚରା ପାଇଁ ଖୋଜୁଛି। କିନ୍ତୁ ସେ ନିଜ ପରିବାର ସହିତ ନିଜ ଠିକଣା ବଦଳାଇ ଦେଇଛନ୍ତି। ଗିରଫ ଡରରେ ଫେରାର୍ ହୋଇଯାଇଛନ୍ତି। ପୋଲିସ ସୁତ୍ର ଅନୁସାରେ, ଏହି ମାମଲାରେ ଆଉ ଏକ ଟିମ୍ ପାଟଣାର ବରିଷ୍ଠ ଅଧିକାରୀଙ୍କ ନେତୃତ୍ବରେ ମୁମ୍ବାଇ ପଠାଇବାକୁ ଯୋଜନା କରୁଛନ୍ତି। ଏହି ଟିମରେ ଜଣେ ଆଇପିଏମ୍ ରାଙ୍କର ଅଫିସରଙ୍କୁ ମଧ୍ୟ ପଠାଯାଇପାରେ। ବର୍ତ୍ତମାନ ସୁଦ୍ଧା ତାହା କିଛି ସ୍ବଷ୍ଟ ହୋଇନାହିଁ।