ରିୟା ଚକ୍ରବର୍ତ୍ତୀ କେସ୍ ଲଢ଼ିବାକୁ ସତୀଶ୍ ମାନସିଂଦେଙ୍କୁ କଲେ ଓକିଲ: ପାଟନାରୁ ମୁମ୍ବାଇ ମାମଲା ସ୍ଥାନାନ୍ତର ପାଇଁ ସୁପ୍ରିମକୋର୍ଟରେ ଆବେଦନ

ମୁମ୍ବାଇ :- ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସୁଶାନ୍ତ ସିଂହଙ୍କ ବାପା ମୁହଁ ଖୋଲିବା ପରେ ଧୀରେ ଧୀରେ ଅନେକ ଗୁମର ଫିଟାଇଛି | ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ବିରୋଧରେ ସୁଶାନ୍ତ ସିଂହଙ୍କ ବାପା ପାଟଣା ଥାନାରେ ଏଫଆଇଆର ରୁଜ୍ଜୁ କରିବା ପରେ ପାଟଣାରୁ ଏକ ପୋଲିସ ଟିମ୍ ମୁମ୍ବାଇରେ ପହଞ୍ଚିଛି | ମାମଲା ରୁଜ୍ଜୁ ପରେ କେସ୍ ଲଢ଼ିବା ପାଇଁ ରିୟା ଦେଶର ମହଙ୍ଗା ଓକିଲଙ୍କ ମଧ୍ୟରୁ ଜଣେ ସତୀଶ୍ ମାନସିଂଦେଙ୍କୁ ହାୟର କରିଛନ୍ତି | ସତୀଶ ମାନସିଂଦେ ସେହି ଓକିଲ ଯିଏ ସଲମାନ ଖାନ୍ ଓ ସଞ୍ଜୟ ଦତ୍ତଙ୍କ କେସ ଲଢ଼ିଥିଲେ | ୧୯୯୩ ମସିହାରେ ମୁମ୍ବାଇ ବିସ୍ଫୋରଣ ମାମଲାରେ ସଞ୍ଜୟ ଦତ୍ତଙ୍କ କେସ୍ ଲଢ଼ିଥିଲେ ଓ ୧୯୯୮ ମସିହାରେ ସଲମାନ ଖାନଙ୍କ ବ୍ଲାକମେଲ୍ କେସ୍ ଲଢ଼ିଥିଲେ |ପାଟନାରେ ସୁଶାନ୍ତ ସିଂହଙ୍କ ପରିବାର ମାମଲା ରୁଜ୍ଜୁ କରିବା ପରେ ଓକିଲ ସତୀଶଙ୍କ ଜୁନିଅର ଓକିଲ ଆନନ୍ଦିନୀ ଫର୍ଣ୍ଣାଡିଶ ରିୟାଙ୍କ ଘରେ ପହଞ୍ଚିଥିଲେ | ରିୟାଙ୍କ ଘରୁ ବାହାରକୁ ବାହାରିବା ପରେ ଗଣମାଧ୍ୟମ ପ୍ରତିନିଧି ଆନନ୍ଦିନୀଙ୍କ ସହିତ କଥାବାର୍ତ୍ତା ହେବାକୁ ଉଦ୍ୟମ କରିଥିଲେ କିନ୍ତୁ ସେ ଚୁପଚାପ ସେଠାରୁ ବାହାରି ଯାଇଥିଲେ | ପାଟନା ପୋଲିସର ୪ ସଂସଦୀୟ ଟିମ୍ ମୁମ୍ବାଇରେ ପହଞ୍ଚିଛି | ପାଟଣାରେ ରିୟା ଓ ତାଙ୍କ ପରିବାର ବିରୋଧରେ ଆଇପିସି ଧାରା ୩୦୬/୩୪୧/୩୪୨/୩୮୦/୪୦୬/୪୨୦ ରେ ମାମଲା ରୁଜ୍ଜୁ ହୋଇଛି | ପାଟନା ପୋଲିସ ରିୟାଙ୍କୁ ଟ୍ରାନଜିଟ୍ ରିମାଣ୍ଡରେ ନେଇ ପଚରାଉଚୁରା କରିପାରେ | ରିୟା ଅନ୍ତରୀଣ ଜାମିନ୍ ପାଇଁ ମଧ୍ୟ ଆବେଦନ କରିପାରନ୍ତି |ରିୟା ଚକ୍ରବର୍ତ୍ତୀଙ୍କ ଓକିଲ ସତୀଶ ମାନସିଂଦେ କହିଛନ୍ତି ଯେ ରିୟା ତାଙ୍କ ବିରୋଧରେ ରୁଜ୍ଜୁ ହୋଇଥିବା ମାମଲାକୁ ପାଟଣାରୁ ମୁମ୍ବାଇକୁ ସ୍ଥାନାନ୍ତର କରିବାକୁ ସୁପ୍ରିମକୋର୍ଟରେ ଆବେଦନ କରିଛନ୍ତି