ନିଖୋଜ ଥିବା ନାବାଳିକାର ଗଳିତ ମୃତ ଦେହ ଅଖାରୁ ଉଦ୍ଧାର

ନୟାଗଡ –  ୧୦ଦିନ ହେଲା ନିଖୋଜ ଥିବା ନାବାଳିକାର ଗଳିତ ମୃତଦେହ ଉଦ୍ଧାର । ବସ୍ତାରେ ବନ୍ଧା ହୋଇଥିବା ଅବସ୍ଥାରେ ଏକ ଗାଡିଆ କୁଳରୁ ଉଦ୍ଧାର । ନୟାଗଡ ସଦର ଥାନା ଲକ୍ଷ୍ମୀପ୍ରସାଦ ପଞ୍ଚାୟତ ଅ’ର୍ଗତ ଯଦୁପୁର ଗଁ।ର ଅଶୋକ ସାହୁଙ୍କ ୬ବର୍ଷର ନାବାଳିକା ଝିଅ ପରି ଗତ ୧୪ତାରିଖ ଦିନ ଘର ଆଗରେ ଖେଳୁଥିବା ସମୟରେ ହଠାତ୍ କେଉଆଡେ ନିଖୋଜ ହୋଇଯାଇଥିଲା ।

ପରିବାର ଲୋକେ ବହୁ ଖୋଜାଖୋଜି କରି ଝିଅକୁ ନପାଇବାପରେ  ଅଶୋକ ସଦର ଥାନାରେ ଏନେଇ ଅଭିଯୋଗ କରିଥିଲେ । ପୋଲିସ ଟିମ୍ ଗଠନ କରି ତଦ’ କରିବା ସହ ଡଗ୍ ସ୍କ୍ବାର୍ଡ ଆଣି ଖୋଳତାଡ କରିଥିଲା । ଏଥିରେ ମଧ୍ୟ କିଛି ସୁଫଳ ମିଳିନଥିଲା । ଆଜି ଅପରାହ୍ନରେ ଅଶୋକ ଘର ବାଡିପଟ ନିକଟରେ ଥିବା ଗାଡିଆ ନିକଟକୁ ପରିଶ୍ରା କରିବାକୁ  ଯାଇଥିବା ସମୟରେ ଗନ୍ଧ ବାରିବା ସହ ଏକ ବସ୍ତା ପଡିଥିବା ଦେଖିବାକୁ ପାଇଥିଲେ । ସେ ବସ୍ତା ଖୋଲିବା ପରେ ଝିଅର ଖଣ୍ଡ ବିଖଣ୍ଡିତ ଗଳିତ ମୃତଦେହ ଦେଖି ପୋଲିସକୁ ଖବର ଦେଇଥିଲେ ।

ସେହି ସ୍ଥାନକୁ ଦୁଇଦିନ ତଳେ ଡଗ୍ ସ୍କ୍ବାର୍ଡ ଆସି ଫେରିଥିବାରୁ ଦୁର୍ବୃତମାନେ ଝିଅକୁ ଅନ୍ୟ ଯାଗାରେ ହତ୍ୟା କରି ପରେ ଏଠାରେ ଫିଙ୍ଗି  ଦେଇଥିବା ଅଶୋକ ଅଭିଯୋଗ କରିଛନ୍ତି । ଗଁ।ର କିଛି ଲୋକଙ୍କ ସହ ତାଙ୍କର ଶତୃତା ଥିଲା ସେହିମାନେ ହିଁ ଏହି କାଣ୍ଡ କରିଥିବା ସେ ଅଭିଯୋଗ କରିଛନ୍ତି । ଦୋଷୀମାନଙ୍କୁ ପୋଲିସ ଧରି ଉପଯୁକ୍ତ ଦଣ୍ଡ ଦେଉ ବୋଲି ସେ ଦାବି କରିଛନ୍ତି । ଝିଅଟିକୁ ଦୁଷ୍କର୍ମ କରି ପରେ ହତ୍ୟା କରି କେମିକାଲ୍ ଗୋଳାଇ ବସ୍ତାରେ ବାନ୍ଧି ଫିଙ୍ଗାଯାଇଥିବା ଗ୍ରାମବାସୀ ଅନୁମାନ କରୁଛନ୍ତି ।