କାଲିଠୁ କାଉଣ୍ଟରରେ ମଦ ବିକ୍ରି, ସକାଳ ୬ଟାରୁ ସଂଧ୍ୟା ୭ଟା ଯାଏ ଖୋଲା
ଭୁବନେଶ୍ୱର:-ଆସନ୍ତାକାଲିଠାରୁ ଖୋଲିବ ମଦ ଦୋକାନ। ଆସନ୍ତାକାଲି (ମଙ୍ଗଳବାର)ଠାରୁ ସକାଳ ୬ଟାରୁ ସଂଧ୍ୟା ୭ଟା ପର୍ଯ୍ୟନ୍ତ ଗ୍ରାହକ ମାନେ କାଉଣ୍ଟରରୁ ମଦ କିଣିପାରିବେ। ସଂଧ୍ୟା ବେଳେ ମଦ କାଉଣ୍ଟର ଆଗରୁ ଭିଡ଼ କମାଇବା ପାଇଁ ସଂଧ୍ୟା ୭ଟାରେ ବନ୍ଦ ହେବ ମଦ କାଉଣ୍ଟର୍। ବିଦେଶୀ ମଦ ଓ ବାର୍ ପାଇଁ ୨ ମାସର ଟିକସ୍ ଛାଡ଼ କରିଛନ୍ତି ରାଜ୍ୟ ସରକାର। ଠିପି ଖୋଲା ମଦ ଦୋକାନରେ ମଧ୍ୟ ମଦ ବିକ୍ରି ହୋଇପାରିବ। ଲୋକଙ୍କ ଗହଳି କମାଇବା ପାଇଁ ଏହି ନିଷ୍ପତ୍ତି ନିଆଯାଇଛି।
ସେହିପରି ମଦର ଅନଲାଇନ ବୁକିଂ ମଧ୍ୟ ଜାରି ରହିବ। ଏଥିପାଇଁ ଇ-ଟୋକନ ବ୍ୟବସ୍ଥା କରାଯିବ। ଇ-ଟୋକନ ବ୍ୟବସ୍ଥା ଥିବା ନେଇ ମଦ କୋକାନ ଗୁଡ଼ିକ ବିଜ୍ଞାପନ କରିପାରିବେ। ଲୋକ ଗହଳି କମାଇବା ପାଇଁ ମଦ ଦୋକାନ ଆଗରେ ବ୍ୟାରିକେଡ ବ୍ୟବସ୍ଥା କରାଯାଇପାରିବ। ଏହା ସହିତ ଅତିରିକ୍ତ କର୍ମଚାରୀ ଧାଡ଼ି ନିୟନ୍ତ୍ରଣ ପାଇଁ ନିୟୋଜିତ ହେବେ। ମଦ ଦୋକାନର ସମସ୍ତ ଷ୍ଟାଫ୍ ମାସ୍କ ପିନ୍ଧିବା ବାଧ୍ୟତାମୂଳକ ହେବ।-