ଓଟିଟି ପ୍ଲାଟ୍ଫର୍ମରେ ରିଲିଜ ହେବ ମହେଶ ଭଟ୍ଟଙ୍କ ଫିଲ୍ମ ସଡକ-୨
ମୁମ୍ବାଇ :-ମହେଶ ଭଟ୍ଟଙ୍କ ନିର୍ଦ୍ଦେଶିତ ବହୁ ପ୍ରତୀକ୍ଷିତ ଫିଲ୍ମ ‘ସଡକ୍-୨’ ଏବେ ଡିଜିଟାଲ୍ ପ୍ଲାଟ୍ଫର୍ମରେ ରିଲିଜ୍ ହେବା ସ୍ଥିର ହୋଇଛି । ଖୁବ୍ ଶୀଘ୍ର ଦର୍ଶକେ ତାକୁ ଓଟିଟିରେ ଦେଖିବାକୁ ପାଇବେ ବୋଲି ପ୍ରଯୋଜକ ମୁକେଶ ଭଟ୍ଟ ସ୍ପଷ୍ଟ କରିଛନ୍ତି।
ଏକ ସାକ୍ଷାତକାରରେ ସେ କହିଛନ୍ତି, ‘କରୋନା ସଂକ୍ରମଣ ମାମଲା ଦିନକୁ ଦିନ ବୃଦ୍ଧି ପାଇଚାଲିଛି । ଏଭଳି ସ୍ଥିତିରେ ପ୍ରେକ୍ଷାଳୟ ଖୋଲିବା ଭଳି ଲାଗୁଛି କି? ଯଦି ବି ପ୍ରେକ୍ଷାଳୟ ଖୋଲା ରହେ ତା’ ହେଲେ ଲୋକେ କ’ଣ ଦେଖିବାକୁ ଯିବେ? ଲୋକେ ନିଜ ପରିବାରର ସୁରକ୍ଷା କଥା ଚିନ୍ତା କରୁଛନ୍ତି ।
ବର୍ତ୍ତମାନ ଜୀବନ ଗୁରୁତ୍ୱପୂର୍ଣ୍ଣ । ଭବିଷ୍ୟତରେ ଆଉ କୌଣସି ଆଶା ଦେଖୁ ନଥିବାରୁ ମୁଁ ଏହାକୁ ଡିଜିଟାଲ୍ ପ୍ଲାଟଫର୍ମରେ ରିଲିଜ୍ କରିବା ଲାଗି ବାଧ୍ୟ ହୋଇ ସିଦ୍ଧାନ୍ତ ନେଇଛି ।’ ଏହାଛଡ଼ା ତାଙ୍କ ପାଖରେ ଅନ୍ୟ ବିକଳ୍ପ ନଥିବା ସେ ପ୍ରକାଶ କରିଛନ୍ତି । ଏହି ଫିଲ୍ମଟି ୧୯୯୧ ମସିହାରେ ରିଲିଜ୍ ହୋଇଥିବା ‘ସଡକ୍’ ଫିଲ୍ମର ସିକ୍ୱେଲ । ଏଥିରେ ସଞ୍ଜୟ ଦତ୍ତ, ପୂଜା ଭଟ୍ଟ, ଆଲିଆ ଭଟ୍ଟ ଏବଂ ଆଦିତ୍ୟ ରୟ କପୁରଙ୍କୁ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ।