ପାକିସ୍ତାନରେ ଜୁଆ ଖେଳିବା ଅଭିଯୋଗରେ ଗଧ ଗିରଫ …
ଇସଲାମାବାଦ –:- ଆପଣ କେବେ କେଉଁ ଗଧକୁ ଜୁଆ ଖେଳିବାର ଦେଖିଛକି ବା ଶୁଣିଛ କି ? କିନ୍ତୁ ପାକିସ୍ତାନରେ ଏମିତି ଗଧ ଅଛି ଯାହାକୁ ଜୁଆ ଖେଳିବା ନେଇ ପୁଲିସ୍ ଗିରଫ କରିଛି । ପାକିସ୍ତାନ ମିଡ଼ିଆ ଅନୁସାରେ , ଏହି ଗଧ ପଞ୍ଜାବର ରହିମ୍ ୟାର ଖାନ୍ ଅଞ୍ଚଳରେ ଥିଲା । ଶନିବାର ଦିନ ପୁଲିସ୍ ଏହାକୁ ଗିରଫ କରିଛି । ଗଧ ସହ ଆଉ ୮ଜଣ ସନ୍ଦିଗ୍ଧ ଲୋକଙ୍କୁ ମଧ୍ୟ ଗିରଫ କରାଯାଇଛି ।ମଜାର କଥା ଏୟା ଯେ , ଏହି ଗଧର ନାଁ ମଧ୍ୟ ଏଫ୍ଆଇଆର୍ରେ ଥିଲା । ପାକିସ୍ତାନୀ ମିଡ଼ିଆରେ ମିଳିଥିବା ଏହି ଭିଡ଼ିଓ ଖୁବ୍ ଭାଇରାଲ୍ ହେଉଛି । ଏବେ ଲୋକେ ସୋସିଆଲ ମିଡ଼ିଆରେ ଏହି ଖବରର ପୁରା ମଜା ନେଉଛନ୍ତି । ଏମିତି ସବୁ କମେଣ୍ଟ ଦେଉଛନ୍ତି , ଯାହାକୁ ପଢ଼ିଲେ ଆପଣ ହସି ହସି ବେଦମ ହୋଇଯିବେ ।ଆପଣ ଜାଣି ଆଶ୍ଚର୍ଯ୍ୟ ହେବେ ଯେ , ଏହି ଅଭିଯୁକ୍ତ ଗଧକୁ ପୁଲିସ୍ ଷ୍ଟେସନ ବାହାରେ ବନ୍ଧା ଯାଇଛି । ପୁଲିସ୍ ଏହି ସବୁ ଜୁଆଡ଼ିଙ୍କ ଠାରୁ ନଗଦ ୧ଲକ୍ଷ ୨୦ ହଜାର ଟଙ୍କା ସଂଗ୍ରହ କରିଛି ।