ଭାରତ ଚାପରେ ନଇଁଲା ଚୀନ, ଏଲଏସିରେ ୨ କିମି ପଛକୁ ହଟିଲା
ନୂଆଦିଲ୍ଲୀ – ପୂର୍ବ ଲଦ୍ଦାଖରେ ବାସ୍ତବିକ୍ ନିୟନ୍ତ୍ରଣ ରେଖା (LAC) ରେ ଚୀନ୍ ସହ ଜାରି ବିବାଦରେ ଭାରତର ଅଲ୍ ରାଉଣ୍ଡ ଷ୍ଟ୍ରେଡେଜିର ପ୍ରଭାବ ଦେଖିବାକୁ ମିଳିଛି । ୫ମେ’ରୁ ନିଜର ଆଗ୍ରେସିଭ୍ ଆଟିଚ୍ୟୁଡ୍ ଆପଣେଇଥିବା ଚୀନ୍ର ପିପଲ୍ସ (PLA)ଲିବରେଶନ ଗତ ୩-୪ ଦିନ ହେଲା ଶାନ୍ତ ପଡ଼ିଛି । ସେମିତି କିଛି ଅଶାନ୍ତ ବାତାବରଣ ସୃଷ୍ଟି କରୁନି ଏବଂ ଶାନ୍ତ ପଡ଼ିଯାଇଛି ।
ସୂତ୍ରରୁ ପ୍ରକାଶ , ପିଏଲ୍ଏ ଏହି ଅଞ୍ଚଳ ଗୁଡ଼ିକରୁ ପଛକୁ ହଟିବା ଆରମ୍ଭ କରିଛି , ଯେଉଁଠି ଗତ କିଛି ଦିନ ହେଲା ନାନା ହରକତ ଚଳାଇଥିଲା । ଆଉ ଭାରତକୁ ଅନଧିକାର ପ୍ରବେଶ କରିବାକୁ ଚେଷ୍ଟା କରୁଥିଲା । ଭାରତ ବିବାଦରେ ନପଶି ଚୀନ ସହ ଦ୍ୱିପାକ୍ଷିକ କଥାବାର୍ତ୍ତା , ଏଲଏସିରେ ଚୀନର ପ୍ରଭାବକୁ ନଡ଼ରି , ତାର ସୈନ୍ୟ କ୍ଷମତା ସମାନ ଓ ଅନ୍ତରାଷ୍ଟ୍ରୀୟ କୂଟନୀତିର ସାହାର ନେଇଚାଲିଥିଲା । ପିଏଲଏର ଗଲଭାନ ନାଳ ଅଞ୍ଚଳରୁ ୨ କିମି ପଛକୁ ହଟିଯାଇଛି । ଅନ୍ୟ ସ୍ଥାନ ଗୁଡ଼ିକରେ ମଧ୍ୟ ଚୀନ ସୈନ୍ୟ ସଂଖ୍ୟା ବଢ଼ାଇବା ଓ ନିଜର ଆକ୍ରମଣ ରୂପ ଦେଖାଇ ଅନଧିକାର ପ୍ରବେଶ ଆଦି କିଛି ଗତିବିଧି କରିନାହିଁ । ପେଟ୍ରୋଲ ପଏଣ୍ଟ ୧୪ , ଗୋଗରା ପୋଷ୍ଟ ଓ ଫିଙ୍ଗର-୪ ପାଖରେ ଏବେ ବି ଚୀନ୍ ସୈନିକ ଠୁଳ ହୋଇଛନ୍ତି । ସୂତ୍ର ମୁତାବକ , ଗଲଭାନ ନାଳ ଅଞ୍ଚଳରେ ଚୀନ୍ ସୈନିକ ବହୁତ ଆଗକୁ ଆସିଯାଇଛନ୍ତି । ଯାହାକି ପୂର୍ବରୁ କେବେ ଏହି ସ୍ଥାନରେ କୌଣସି ବିବାଦ ହୋଇନାହିଁ ।୬ଜୁନ୍ରେ ଲେଫ୍ଟେନାଣ୍ଟ ଜେନେରାଲ ରାଙ୍କ୍ର ଅଧିକାରୀଙ୍କ କଥାବାର୍ତ୍ତା ପୂର୍ବରୁ ଚୀନ୍ ସୈନିକଙ୍କ ନୀତିରେ ପରିବର୍ତ୍ତନ ଏକ ସକରାତ୍ମକ ବାର୍ତ୍ତା ଦେଉଛି l