ଯୁବତୀକୁ ଅପହରଣ ଓ ଦୁଷ୍କର୍ମ

ନୀଳଗିରି – ବରମପୁର ଥାନା ଅଧିନରେ ଜଣେ ଯୁବତୀ କୁ ଅପହରଣ କରି ଦୁଷ୍କର୍ମ ଅଭିଯୋଗରେ ଜଣେ ଯୁବକ ଗିରଫ ହୋଇଛି। ମୟୁରଭଞ୍ଜ ଜିଲ୍ଲା ଉଦଳା ଥାନା ଅଧିନ ବରଡାଡିହ ଗ୍ରାମର ଦେବାଶିଷ ହାଁସଦା ନାମକ ଯୁବକ ଛତ୍ରପୁର ପଂଚାୟତ ର ଜୈନିକ ୧୯ ବର୍ଷୀୟ ଯୁବତୀଙ୍କୁ ଗତ ମାର୍ଚ୍ଚ ମାସ ୧୭ ତାରିଖରେ ଅପହରଣ କରିଥିବା ଅଭିଯୋଗ ହୋଇଛି । ଏହାପରେ ସେ ଯୁବତୀଙ୍କୁ ଜବରଦସ୍ତ ଦୁଷ୍କର୍ମ କରିଥିବା ଅଭିଯୋଗ ହୋଇଛି।

ପରେ ଯୁବତୀ ଜଣକ ସେଠାରୁ ଖସି ଆସି ଚଳିତ ମାସ ୨୮ ତାରିଖରେ ଯୁବତୀ ଜଣକ ବରମପୁର ଥାନାରେ ଅଭିଯୋଗ କରିଥିଲେ।ଏନେଇ ପୋଲିସ ୪୦ ନମ୍ବର ମାମଲା ରୁଜୁ କରିବା ପରେ ଅଭିଯୁକ୍ତ ଙ୍କୁ ଗିରଫ କରି ତଦନ୍ତ କରୁଅଛି।

ରବିବାରରେ ଅଭିଯୁକ୍ତର ଡାକ୍ତରୀ ମାଇନା କରାଯାଇ କୋର୍ଟ ଚାଲାଣ କରାଯିବ ବୋଲି ବରମପୁର ଥାନାଧିକାରୀ ପ୍ରଭଞ୍ଜନ ବେହେରା ସୁଚନା ଦେଇଛନ୍ତି।