ରାଜଧାନୀରେ ଜମୁଛି ହାଇଟେକ ଜୁଆଆଡ଼ା,କୋଭିଡ୍ ପାସ ଲଗାଇ ହୋଟେଲ ରୁମରେ ଚାଲୁଛି ବେଧଡକ ଜୁଆ,9 ଜଣ ଜୁଆଡ଼ିଙ୍କୁ ଧରିଲା ପୋଲିସ

ଭୁବନେଶ୍ୱର: କରୋନା କଟକଣା ଭିତରେ ରାଜଧାନୀରେ ଚାଲିଛି ବେଧଡ଼କ ଜୁଆ ଖେଳ । କୋଭିଡ୍ ପାସ ଲଗାଇ ଭୁବନେଶ୍ୱରର ବେଧଡକ ବୁଲୁଛନ୍ତି ଜୁଆଡି । ଟାଙ୍ଗୀ ବିଡିଓଙ୍କ ଅନୁମତି ପତ୍ର ଦେଖାଇ ଭୁବନେଶ୍ୱରରେ ବିଳମ୍ବିତ ରାତିରେ ତିନିଟି ଗାଡିରେ ବୁଲୁଛନ୍ତି ଜୁଆଡି । ଏପରିକି ନୟାପଲ୍ଲୀସ୍ଥିତ ଓୟୋ ହୋଟେଲରେ ଜୁଆ ଖେଳ ଚାଲିଥିବା ନେଇ ଖବର ପାଇବା ପରେ ଚଢ଼ାଉ କରିଥିଲା ନୟାପଲି ପୋଲିସ । ସେଠାରୁ ୯ଜଣ ଜୁଆଡିଙ୍କୁ ଗିରଫ କରିଛି । ସେମାନଙ୍କ ନିକଟରୁ ତିନିଟି ଦାମି ଗାଡି , ଦେଢ଼ ଲକ୍ଷ ଟଙ୍କା ଓ ମୋବାଇଲ୍ ଜବତ କରିଛି ନୟାପଲ୍ଲୀ ଥାନା ପୋଲିସ୍ ।

ସେମାନଙ୍କୁ ଗିରଫ କରିବା ପରେ ପୋଲିସ ସେମାନଙ୍କୁ କୋଟ ଚାଲାଣ କରାଯାଇଛି। ଉକ୍ତ ହୋଟେଲରେ ବିଳମ୍ବିତ ରାତି ପର୍ଯ୍ୟନ୍ତ ଚାଲୁଛି ଜୁଆ ଖେଳ। ଏପରିକି ଓୟୋ ପକ୍ଷରୁ ଯୋଗାଇ ଦିଆଯାଇଥିବା ଏସି ରୁମରେ ଚାଲୁଛି ଜୁଆ ଖେଳ। ଲାଗୁଛି କୋଟି କୋଟି ଟଙ୍କା । ଏଭଳି ଖେଳ ଚାଲୁଥିବା ଖବର ପାଇ ନୟାପିଲି ପୋଲିସ ଚଢ଼ାଉ କରି 9 ଜଣ ଜୁଆଡ଼ିଙ୍କୁ ଗିରଫ କରିଛି। ସମସ୍ତ ଜୁଆଡ଼ି କଣ୍ଟ୍ରାକର ଏବଂ ବିଲ୍ଡର। ଏଠାରେ ପ୍ରଶ୍ନ ଉଠୁଛି ସେଠାରେ କେବଳ ଜୁଆ ଆଡା ଚାଲିଥିଲା ନା ଆଉ କିଛି ଅପରାଧିକ କାର୍ଯ୍ୟ ଚାଲୁଥିଲା କି? ତାହାକୁ ନେଇ ପ୍ରଶ୍ନ ଉଠୁଛି।