ଯବାନଙ୍କ ଗୁଳିରେ ଟଳିଲେ ୪ ଟପ୍ ମାଓ କ୍ୟାଡର୍

ମାଲକାନଗିରି:-ମାଲକାନଗିରି ଜିଲ୍ଲୀ ସୀମାନ୍ତ ଛତିଶଗଡର ରାଜନନ୍ଦଗାଓଁ ପୋଲିସକୁ ଏକ ବଡଧରଣର ସଫଳତା ମିଳିଛି । ପୋଲିସ ଗୁଳିରେ ଶୁକ୍ରବାର ୪ଜଣ ଟପ୍ ମାଓ କ୍ୟାଡର ପ୍ରାଣ ହରାଇଛନ୍ତି ।

ସୂଚନାନୁସାରେ, ରାଜନନ୍ଦଗାଓଁ ନିକଟରେ ଥିବା ପାରଦିନ ଜଙ୍ଗଲରେ ମାଓମାଦୀମାନେ କ୍ୟାମ୍ପ କରିଥିବା ପୋଲିସକୁ ଗୁଇନ୍ଦା ସୂଚନା ମିଳିଥିଲା । ଏହାପରେ ପୋଲିସ, ଡିଆରଜି ଯବାନମାନେ ସଦଳବଳେ ଜଙ୍ଗଲରେ କମ୍ବିଂ ଅପରେସନ ଆରମ୍ଭ କରିଥିଲେ । ତେବେ ଯବାନଙ୍କୁ ଦେଖି ମାଓବାଦୀମାନେ ପ୍ରଥମେ ଗୁଳିମାଡ କରିଥିଲେ । ଏହାପରେ ଯବାନମାନେ ମଧ୍ୟ ତୁରନ୍ତ ପୋଜିସନ ନେଇ ମାଓବାଦୀଙ୍କୁ ପାଲଟା ଜବାବ ଦେଇଥିଲେ । ତେବେ ଯବାନଙ୍କ ଗୁଳିରେ ମାଓବାଦୀମାନେ ଛତ୍ରଭଙ୍ଗ ଦେଇଥିଲେ । ଏପରିକି ୪ଜଣ ଟପ୍ ମାଓ କ୍ୟାଡର୍ ପ୍ରାଣ ହରାଇଥିବା ସୂଚନା ମିଳିଛି । ସେମାନଙ୍କ ନିକଟରୁ ଏକ-୪୭ ରାଇଫଲ୍ ସହ ଅନେକ ବିସ୍ଫୋରକ ସାମଗ୍ରୀ ଜବତ ହୋଇଛି ।