ଗଞ୍ଜେଇ ମାଫିଆ ଅନିଲଙ୍କ ୨କୋଟି ଟଙ୍କାର ସମ୍ପତ୍ତି ବାଜ୍ୟାପ୍ତି ହେବ, ଚିଠି ଲେଖିଲା ଏସଟିଏଫ୍

ଭୁବନେଶ୍ୱର:  ଆକ୍ସନ ମୋଡ଼ରେ ଏସଟିଏଫ । ଅନ୍ତର୍ଜାତୀୟ ଗଞ୍ଜେଇ ମାଫିଆ ଅନିଲ ପାଣ୍ଡେ ବିରୋଧରେ କାର୍ଯ୍ୟନୁଷ୍ଠାନ । ଆଲିସାନ ବଙ୍ଗଳା ଓ ସମ୍ପତ୍ତି ଦେଖି ତାଜୁବ ହେଲା ଟିମ । କୁଖ୍ୟାତ ନିଶା ବ୍ୟବସାୟୀ ଅନିଲ କୁମାର ପାଣ୍ଡିର ୨କୋଟି ସମ୍ପତ୍ତି ଜବତ କଲା କ୍ରାଇମବ୍ରାଞ୍ଚ ଏସଟିଫ୍ । ୨ କୋଟିର ସମ୍ପତ୍ତିକୁ ବାଜ୍ୟାପ୍ତ କରିବା ପାଇଁ ଏନଡିପିଏସ୍ କୋଲକାତା କମ୍ପିଟେଣ୍ଟ ଅଧିକାରୀଙ୍କୁ ବାଜ୍ୟାପ୍ତ କରିବା ପାଇଁ ଲେଖିଲେ ଏସଟିଏଫ ।

୨ କୋଟିର ସମ୍ପତ୍ତି ଭିତରେ ରହିଛି ୩ ମହଲା ବିଶିଷ୍ଟ ବିଳାସପୂର୍ଣ୍ଣ ଘର , ୩୩ଟି ପ୍ଲଟ ଓ ବ୍ୟାଙ୍କ ଡିପୋଜିଟ୍ । ଘର ଭଇତରେ ସୁଇମିଙ୍କ ପୋଲ । ଅନିଲ ପାଣ୍ଡେ ଦୀର୍ଘ ଦିନ ହେବ ନିଶା ବ୍ୟବସାୟରେ ଲିପ୍ତ ଥିଲା । ରାଜ୍ୟରେ ନୁହଁ ରାଜ୍ୟ ବାହାରେ ଗୁଜୁରାଟ ଏବଂ ମହାରାଷ୍ଟ୍ରରେ ମଧ୍ୟ ସେ ବେଆଇନ କାର୍ଯ୍ୟରେ ଲିପ୍ତ ରହିଛି ।

ପୂର୍ବରୁ ଅନିଲଙ୍କ ଭାଇ ସୁନିଲ ପାଣ୍ଡେଙ୍କୁ ମଧ୍ୟ ଗୁଜୁରାଟ ପୋଲିସ ଗିରଫ କରିଛି । ଏହି ଦୁଇ ଭାଇଙ୍କ ସହ ଅନ୍ୟ କିଛି ଜଣ ମିଶି ଗଞ୍ଜେଇ କାରବାର କରୁଥିବାର ଅନୁମାନ କରିଛି ଏସଟିଏଫ । ଗଜପତିରୁ ଏହି ବ୍ୟବସାୟ ଆରମ୍ଭ କରି ବିଭିନ୍ନ ସ୍ଥାନକୁ ନେଟ ୱାର୍କ ଚଳାଉଥିଲା ଅନିଲ । ଏପରିକି ମାଓବାଦୀ ସହ ମିଶି ଗଞ୍ଜେଇ ଚଷ କରୁଥିବା ଏସଟିଏଫ ସନ୍ଦେହ କରୁଛି । ପୂର୍ବରୁ ରାଜ୍ୟ ତଥା ରାଜ୍ୟ ବାହାରେ ନିଶା କାରବାର ଚଳାଇଥିବା ୩ ଜଣ ନିଶା ମାଫିଆଙ୍କ ସମ୍ପତ୍ତି ବାଜ୍ୟାପ୍ତ କରିଛି । ସେକ ରାଜା -୧.୬୫ କୋଟି,ଟକଲୁ ରାଜା-୨କୋଟି, ଅନିଲ ପାଣ୍ଡେ -୨କୋଟି ଙ୍କ ସମ୍ପତ୍ତି ବଜ୍ୟାପ୍ତ କରିଛି ଏସଟିଏଫ । ୨୦୨୧ ମସିହା ଅଗଷ୍ଟ ୧୩ ତାରିଖରେ ୧୦ କୁଇଣ୍ଟା ଗଞ୍ଜେଇ ସହ ଏକ ଟ୍ରକ ଜବତ ହୋଇଥିଲା ।