ପୂର୍ବତନ ସେନା ଅଧିକାରୀଙ୍କ ଠାରୁ ୯୫ଲକ୍ଷ ଟଙ୍କା ଲୁଟିନେଲେ ସାଇବର ଠକ

କଟକ: ଇନସ୍ୟୁରାନ୍ସ ଏଜେଣ୍ଟ ବୋନସ ଦେବାକୁ କହି ଠକି ନେଲେ ୯୫ ଲକ୍ଷ ଟଙ୍କା । ଠକେଇର ଶିକାର ହୋଇଛନ୍ତି ଜଣେ ପୂର୍ବତନ ସେନା ଅଧିକାରୀ । ୨୦୧୫ରୁ ବର୍ତ୍ତମାନ ସୁଦ୍ଧା ସାଇବର ଠକ ନେଇଛନ୍ତି ପ୍ରାୟ ଏକ କୋଟି ଟଙ୍କା । ୨୦୧୧ରେ ଅଭିଯୋଗକାରୀ ଏକ ଇନସ୍ୟୁରାନ୍ସ ପଲିସି କରିଥିଲେ । ୨୦୧୫ରେ ଠକମାନେ ନିଜକୁ ଆରବିଆଇ, ନ୍ୟାସନାଲ ପେମେଣ୍ଟ କର୍ପୋରେସନ ଅଫ ଇଣ୍ଡିଆ, ଫାଇନାନ୍ସ ମନ୍ତ୍ରଣାଳୟର ଅଧିକାରୀ କହି ଫୋନ କରିଥିଲେ । ଲୋଭନୀୟ ଅଫର ଦେଖାଇ ଅଧିକ ଟଙ୍କା ପାଇବାକୁ ଦେଖାଇଥିଲେ ସ୍ୱପ୍ନ । ସାଇବର ଠକ ଦେଇଥିବା ଲିଙ୍କ୍ ଜରିଆରେ ଟଙ୍କା ନେଇଥିବା ସନ୍ଦେହ କରାଯାଉଛି । ଏନେଇ କଟକ ସାଇବର ଥାନାରେ ଅଭିଯୋଗ ହୋଇଛି ।