ପରୀ ହତ୍ୟାକାଣ୍ଡ: ଯଦୁପୁର ଗାଁରୁ ପୁଣି ୩ ଜଣଙ୍କୁ ଉଠାଇ ନେଲା ଏସ୍ଆଇଟି
ନୟାଗଡ଼:-ବହୁ ଚର୍ଚ୍ଚିତ ପରୀ ହତ୍ୟାକାଣ୍ଡ ଘଟଣାରେ ପୁଣି ୩ ଜଣଙ୍କୁ ଉଠାଇ ନେଲା ଏସ୍ଆଇଟି। ପରୀ ହତ୍ୟାକାଣ୍ଡରେ ମୁଖ୍ୟ ଅଭିଯୁକ୍ତ ସରୋଜ ସେଠୀ ଗିରଫ ପରେ ନୟାଗଡ଼ରେ ଏସ୍ଆଇଟି ଟିମ୍ ଛାନ୍ଭିନ୍ ଜାରି ରଖିଥିଲା। ସରୋଜ ବ୍ୟତୀତ ଏହି ହତ୍ୟାକାଣ୍ଡରେ ଅନ୍ୟ କାହାର ସଂପୃକ୍ତି ନେଇ ତଦନ୍ତ ଜାରି ରହିଥିଲା। ତେବେ ବୁଧବାର ନୟାଗଡ଼ ଯଦୁପୁର ଗାଁରୁ ଆଉ ୩ ଜଣଙ୍କୁ ଉଠାଇ ନେଇ ଏସ୍ଆଇଟି ପଚରାଉଚରା କରୁଥିବା ଜଣାପଡିଛି। ତେବେ ଏହି ୩ ଜଣ କିଏ, ସେମାନଙ୍କ ପରିଚୟ ଏସ୍ଆଇଟି ଗୋପନ ରଖିଛନ୍ତି। ଏହି ହତ୍ୟାକାଣ୍ଡରେ ସେମାନଙ୍କ କଣ ରହିଛି ସଂପୃକ୍ତି ତାହା ସ୍ପଷ୍ଟ ହୋଇନାହିଁ।