ଗ୍ୟାସ୍ ଲିକ୍ରୁ ଗ୍ରୀନ୍ ଚିଲ୍ଲୀରେ ଅଗ୍ନିକାଣ୍ଡ
ଭୁବନେଶ୍ୱର:-ଗ୍ୟାସ୍ ଲିକ୍ରୁ ଗୋପବନ୍ଧୁକ ଛକରେ ଥିବା ଗ୍ରୀନ୍ ଚିଲ୍ଲୀରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ କହି ମୃତାହତ ହୋଇନଥିବା ବେଳେ ଦୋକାନରେ ଥିବା ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । ସବୁଠୁ ବଡ଼ କଥା ହେଲା ଦୋକାନରେ ଥିବା ୧୧ଟି ଗ୍ୟାସ ଟାଙ୍କିକୁ ଅଫୁଟା ଅବସ୍ଥାରେ ଉଦ୍ଧାର କରିଛି ଅଗ୍ନିଶମ ବିଭାଗ । ଏହି ଅଗ୍ନିକାଣ୍ଡର ଦୋକାନୀ ମାଲିକଙ୍କ ପ୍ରାୟ ୧୨ ଲକ୍ଷ ଟଙ୍କାର ସାମଗ୍ରୀ କ୍ଷୟକ୍ଷତି ହୋଇଥିବା ଜଣାପଡ଼ିଛି । ଗ୍ରାସ୍ ଲିକ୍ରୁ ଏଭଳି ଦୁର୍ଘଟଣା ଘଟିଥିବା ଜଣାପଡ଼ିଛି ।,ସବୁଦିନ ପରି ସନ୍ଧ୍ୟା ପ୍ରାୟ ୮ଟା ସମୟରେ ଗ୍ରୀନ୍ ଚିଲ୍ଲୀରେ ଗ୍ରାହକଙ୍କ ଅର୍ଡର ଅନୁସାରେ ରୋଷେଇ କରାଯାଉଥିଲା । ହେଲେ ଏହି ସମୟରେ ସେଠାରେ କିଛି ଗ୍ରାହକ ମଧ୍ୟ ବସି ଫାଷ୍ଟଫୁଡ୍ ଖାଉଥିଲେ । କିନ୍ତୁ ରୋଷେଇ ସମୟରେ ଗ୍ୟାସ୍ ଲିକ୍ ହୋଇଯିବାରୁ ହଠାତ୍ ନିଆଁ ଚାରଆଡେ ବ୍ୟାପି ଯାଇଥିଲା । ଦୋକାନରେ ଥିବା ଗ୍ରାହକ ଏବଂ ଗ୍ରୀନ ଚିଲ୍ଲୀର ଷ୍ଟାପ୍ମାନେ ଜୀବନ ବଞ୍ଚାଇବାକୁ ଦୌଡ଼ିଥିଲେ । ସେଠାରେ ଥିବା ସ୍ଥାନୀୟ ଲୋକେ ସଚିବାଳୟ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ତୁରନ୍ତ ଅଗ୍ନିଶମ ବିଭାଗର ଗୋଟିଏ ଦମକଳ ଗାଡ଼ି ପହଞ୍ଚି ନିଆଁ ଲିଗାଇଥିଲେ । ୪୦ ମିନିଟ ପରେ ଦୋକାନରେ ନିଆଁ ଆୟତ ହୋଇଥିଲା ।