ରୋହିତ ଶର୍ମାଙ୍କ ସହ ୪ ଖେଳାଳି ଖାଇଥିଲେ ଗୋ’ମାଂସ

ମେଲବର୍ଣ୍ଣ: ଅଷ୍ଟ୍ରେଲିଆରେ ଟେଷ୍ଟ ସିରିଜ ଖେଳୁଥିବା ଭାରତୀୟ କ୍ରିକେଟ ଟିମର ମଇଦାନ ବାହାରେ ଅଡ଼ୁଆ ବଢ଼ିବାରେ ଲାଗିଛି। ନୂଆବର୍ଷ ଅବସରରେ ୫ ଖେଳାଳି ଏକ ରେଷ୍ଟୁରାଣ୍ଟରେ ଖାଇ ହଟହଟା ହେବା ପରେ ବର୍ତ୍ତମାନ ରେଷ୍ଟୁରାଣ୍ଟର ବିଲ୍ ଭାଇରାଲ ହେଉଛି, ଯେଉଁଥିରେ ଖେଳାଳିମାନେ ଗୋମାଂସ ଓ ଘୁଷୁରି ମାଂସ ଖାଇଥିବା ଲେଖାଯାଇଛି। ଏହାକୁ ନେଇ ରୋହିକ ଶର୍ମାଙ୍କୁ ସାଙ୍ଘାତିକ ଟ୍ରୋଲ କରାଯାଉଛି।
ସୂଚନା ମୁତାବକ ଏହି ୫ ଜଣ ପ୍ଲେୟାରଙ୍କ ରେଷ୍ଚଟୁରାଣ୍ଟ ବିଲ୍ ସେଠାରେ ଥିବା ନଭଲଦୀପ ସିଂ ନାମକ ଜଣେ ଫ୍ୟାନ୍ ଦେଇଥିଲେ। ବିଲର ଏକ ଫଟୋ ସୋଶାଲ୍ ମିଡିଆରେ ଭାଇରାଲ ହେଉଛି। ଏହି ବିଲରେ ଖେଳାଳିମାନେ ଗୋ’ମାଂସ ଓ ଘୁଷୁରି ମାଂସ ଖାଇଥିବା ଦେଖିବାକୁ ମିଳିଛି। ଅବଶ୍ୟ ଏହି ବିଲର ସତ୍ୟାସତ୍ୟ ଏଯାଏ ସ୍ପଷ୍ଟ ହୋଇନାହିଁ। କିନ୍ତୁ ସୋଶାଲ୍ ମିଡିଆରେ ଫ୍ୟାନମାନେ ଖୋଳାଳିମାନଙ୍କୁ ଟ୍ରୋଲ୍ କରିବା ଆରମ୍ଭ କରିଦେଇଛନ୍ତି। ବିଶେଷ କରି ଫ୍ୟାନମାନେ ରୋହିତ ଶର୍ମାଙ୍କୁ ଅଧିକ ଟ୍ରୋଲ କରୁଛନ୍ତି ରୋହିତ ଶର୍ମା ତାଙ୍କ ଫିଟନେସ୍ ନଥିବାରରୁ ଟିମରୁ ବାଦ ପଡ଼ିଥିଲେ ହେଲେ ଏବେ ବିସିସିଆଇ ତାଙ୍କୁ ଟିମକୁ ପୁଣିଥରେ ନେବାକୁ ଯୋଜନା କରୁଥିବାବେଳେ ରୋହିତ କିନ୍ତୁ ଫିଟନେସକୁ ଅଣଦେଖା କରି ରେଷ୍ଟୋରାଣ୍ଟରେ ବିଫ୍ ଆଉ ପୋକ୍ ଖାଉଛନ୍ତି ବୋଲି ଫ୍ୟାନମାନେ କ୍ଷୁବ୍ଧ ହୋଇଛନ୍ତି। ଏହା ବ୍ୟତୀତ କିଛି ଲୋକ ବିଶ୍ୱାସ କରିପାରୁ ନାହାଁନ୍ତି ଯେ ରୋହିତ ହିନ୍ଦୁ ହୋଇ ଗୋମାଂସ ଖାଇପାରିବେ ବୋଲି। ଅନ୍ୟପଟେ କିଛି ଫ୍ୟାନ୍ ରୋହିତଙ୍କ ସପକ୍ଷରେ ବାହାରିଛନ୍ତି. ସେମାନଙ୍କ କହିବା କଥା ଯେ ରୋହିତ ହେଉଛନ୍ତି ଶାକାହାରୀ ସେ ଆଦୌ ଆମୀଷ ଖାଇନଥିବେ। ସୂଚନାଯୋଗ୍ୟ, ଭାରତୀୟ କ୍ରିକେଟର ରୋହିତ ଶର୍ମା, ରିଷଭ ପନ୍ତ, ଶୁଭମ ଗିଲି, ପୃଥ୍ୱୀ ସ’ ଏବଂ ନବଦୀପ ସାଇନି ନୂଆବର୍ଷ ଅବସରରେ ଅଷ୍ଟ୍ରେଲିଆର ଏକ ରେସ୍ତୋରାଁରେ ଖାଉଥିଲେ। ଯାହାର ଭିଡିଓ ଭାଇରାଲ ହେବା ପରେ କୋଭିଡ ପ୍ରୋଟୋକଲ ଉଲ୍ଲଙ୍ଘନ ଅଭିଯୋଗରେ ଅଷ୍ଟ୍ରେଲିଆ କ୍ରିକେଟ ବିସିସିଆଇର ପରାମର୍ଶ କ୍ରମେ ଏହି ପାଞ୍ଚ ଖେଳାଳିଙ୍କୁ ଆଇସୋଲେଶନରେ ପଠାଇ ଦେଇଛିଛି। ତେବେ ବର୍ତ୍ତମାନ ଖେଳାଳିଙ୍କ ଏହି ପଦକ୍ଷେପ ବାୟୋ ସିକ୍ୟୁରିଟି ପ୍ରୋଟୋକଲର ଉଲ୍ଲଂଘନ କି ନାହିଁ ତାକୁ ନେଇ ତଦନ୍ତ ଚାଲିଛି। ତଦନ୍ତ ସରିବା ପରେ ଜାନୁଆରି ୭ରେ ଏମାନେ ଅଷ୍ଟ୍ରେଲିଆ ବିପକ୍ଷରେ ତୃତୀୟ ଟେଷ୍ଟ ଖେଳିବେ କି ନାହିଁ ଜଣାପଡ଼ିବ।