୨୦ ଲକ୍ଷ ଟଙ୍କାର ଗଞ୍ଜେଇ ଜବତ, ୨ ଅଭିଯୁକ୍ତ ଗିରଫ

ପୋଲିସର ସୂଚନା ଅନୁଯାୟୀ, ଗୋଡା ବେଡା  ଗ୍ରାମ ଛକ ନିକଟରେ ମାଛକୁଣ୍ଡ ପୋଲିସ ପାଟ୍ରୋଲିଂ କରି ଗାଡି ଯାଞ୍ଚ କରୁଥିଲା । ଏହି ସମୟରେ ମାଛକୁଣ୍ଡ ପଟୁ ଦ୍ରୁତ ଗତିରେ ଆସୁଥିବା ଦୁଇଟି ଗାଡିକୁ ପୋଲିସ ଅଟକାଇଥିଲା । ଘଟଣାସ୍ଥଳରୁ କାର୍ ଭିତରେ ଥିବା  ଅଭିଯୁକ୍ତକୁ କାବୁ କରିବାରେ ପୋଲିସ ସଫଳ ହୋଇଥିଲା । ଘଟଣାସ୍ଥଳ ଛାଡି ମଫିଆ ଚମ୍ପଟ ମାରିଥିଲେ । ଗାଡି ଯାଞ୍ଚ କରିବା ବେଳେ ଏଥିରେ ବିପୁଳ ପରିମାଣର ଗଞ୍ଜେଇ ଥିବା ଜଣାପଡିଥିଲା । ପୋଲିସ ଗାଡି ଜବତ କରିବା ପରେ ଯୁବକମାନଙ୍କୁ  ଗିରଫ କରି ଥାନାକୁ ଆଣିଥିଲା । ଯୁବକକୁ  ପଚରା ଉଚରା  ବେଳେ  ସ୍ଥାନୀୟ ଯୁବକଙ୍କ ସଂପୃକ୍ତି ଥିବା ଏବଂ ଏହି ଗଞ୍ଜେଇ କାହାଠାରୁ କିଣିଥିବା ଜଣାପଡିଛି । ଗିରଫ ଯୁବକକୁ ସୋମବାର କୋର୍ଟ ଚାଲାଣ କରିବ ପୋଲିସ ।