୭୬ଟି ପିଲାଙ୍କୁ ବଞ୍ଚାଇ ମହିଳା କନଷ୍ଟେବଳ ସୃଷ୍ଟି କଲେ ଉଦାହରଣ,ଏବେ ମିଳିଲା ଆଉଟ୍-ଅଫ୍-ଟର୍ନ ପ୍ରମୋଶନ୍

ନୂଆଦିଲ୍ଲୀ:- ଦେଶର ରାଜଧାନୀ ଦିଲ୍ଲୀର ସମୟପୁର ବାଦଲି ପୋଲିସ ଥାନାରେ ମୁତୟନ ଜଣେ ମହିଳା ହେଡ୍ କନଷ୍ଟେବଳଙ୍କୁ ମିଳିଛି ଆଉଟ୍ ଅଫ୍ ଟର୍ନ ପ୍ରମୋଶନ୍। ହେଡ୍ କନଷ୍ଟେବଳ ଜଣଙ୍କର ନିଜର କାର୍ଯ୍ୟପ୍ରତି ନିଷ୍ଠା ଓ ବିଶ୍ବସ୍ଥତା ଦେଖି ଉଚ୍ଚାଧିକାରୀମାନେ ତାଙ୍କୁ ଆଉଟ୍-ଅଫ୍-ଟର୍ନ ପ୍ରମୋଶନ୍ ଦେବାର ନିଷ୍ପତ୍ତି ନେଇଛନ୍ତି। ମହିଳା ହେଡ୍ କନଷ୍ଟେବଳ ସୀମା ଢାକା ୭୬ ପିଲାଙ୍କୁ ଅଢେଇ ମାସ ଭିତରେ ଖୋଜି ବାହାର କରିଛନ୍ତି। ଏହି କାରଣରୁ ତାଙ୍କୁ ପ୍ରମୋଶନ୍ ଦେବାର ନିଷ୍ପତ୍ତି ନିଆଯାଇଥିଲା। ମିଳିଥିବା ସୂଚନା ଅନୁସାରେ, ସୀମା ୭୬ ପିଲାଙ୍କୁ ଅଢେଇ ମାସରେ ଖୋଜି ଉଦ୍ଧାର କରିଛନ୍ତି, ଆଉ ସେମାନଙ୍କ ଭିତରୁ ୫୬ ଜଣଙ୍କର ବୟସ ୧୪ ବର୍ଷରୁ ବି କମ୍। ଦିଲ୍ଲୀ ପୋଲିସ କମିଶନର ଏନ୍ଏନ୍ ଶ୍ରୀବାସ୍ତବ ସୀମାଙ୍କୁ ଆଉଟ୍-ଅଫ୍-ଟର୍ନ ପ୍ରମୋଶନ୍ ଦେବାର ଘୋଷଣା କରିଥିଲେ। ଇନସେଟିଭ ସ୍କିମ୍ ଅନୁସାରେ ତାଙ୍କୁ ପ୍ରମୋଶନ୍ ଦିଆଯାଇଛି। ଏହି ସ୍କିମ୍ ଅନୁସାରେ, ସୀମା ଆଉଟ୍ ଅଫ୍ ଟର୍ନ ପ୍ରମୋଶନ୍ ପାଇଥିବା ଦିଲ୍ଲୀ ପୋଲିସର ପ୍ରଥମ କର୍ମଚାରୀ। ସୀମାଙ୍କ କହିବା ଅନୁସାରେ, ତାଙ୍କ ପାଇଁ ସବୁଠାରୁ ବଡ ଚ୍ୟାଲେଞ୍ଜିଂ ମାମଲା ଭିତରୁ ଚଳିତ ବର୍ଷ ଅକ୍ଟୋବର ମାସରେ ପଶ୍ଚିମବଙ୍ଗର ଜଣେ ନାବାଳିକାଙ୍କୁ ଉଦ୍ଧାର କରିବାର ଥିଲା। ପୋଲିସ ଡଙ୍ଗାରେ ଯାତ୍ରା କରିଥିଲା ଓ ପିଲାଙ୍କୁ ଖୋଜିବା ପାଇଁ ବନ୍ୟାରେ ଦୁଇଟି ନଦୀ ପାର କରିଥିଲା।ସୀମାଙ୍କ କହିବା ଅନୁସାରେ, ସେ ଦିଲ୍ଲୀ, ପଶ୍ଚିମବଙ୍ଗ, ଉତ୍ତର ପ୍ରଦେଶ, ବିହାର, ହରିୟାଣା ଓ ପଞ୍ଜାବରେ ପିଲାଙ୍କୁ ଉଦ୍ଧାର କରିଥିଲେ। ସେ ମାସେ ଧରି ଏଭଳି ମାମଲା ଉପରେ କାମ କରିଥିଲେ ଓ କହିଥିଲେ ତାଙ୍କୁ ତାଙ୍କର ସିନିୟର ଓ ଟିମ୍ ସଦସ୍ୟ ସାହାଯ୍ୟ କରିଥିଲେ। ସେ  କହିଛନ୍ତି ଯେ ତାଙ୍କ ପାଇଁ ଚ୍ୟାଲେଞ୍ଜିଂ ମାମଲା   ମାମଲା ଭିତରୁ ଗୋଟିଏ ହେଉଛି ହେଉଛି ଚଳିତ ବର୍ଷ ଅକ୍ଟୋବରରେ ପଶ୍ଚିମବଙ୍ଗରୁ ଜଣେ   ନାବାଳକକୁ ମୁକ୍ତ କରିବା। ପୋଲିସ ଟିମ୍ ବନ୍ୟା ସମୟରେ ଡଙ୍ଗାରେ ଯାତ୍ରା କରି ଦୁଇଟି ନଦୀ ପାର ହୋଇ ଶିଶୁଟିକୁ ଉଦ୍ଧାର କରିଥିଲେ।ଦୁଇ ବର୍ଷ ପୂର୍ବେ ପୁଅର ମା ଅଭିଯୋଗ କରିଥିଲେ, କିନ୍ତୁ ପରେ ତାଙ୍କ ଠିକଣା ଏବଂ ମୋବାଇଲ୍ ନମ୍ବର ବଦଳାଇ ଦେଇଥିଲେ। ଆମେ ତାଙ୍କୁ ଖୋଜି ପାରିଲୁ ନାହିଁ କିନ୍ତୁ ଜାଣିଥିଲୁ ସେ ପଶ୍ଚିମବଙ୍ଗର। ଏକ ସର୍ଚ୍ଚ ଅପରେସନ୍ ଆରମ୍ଭ କରାଯାଇଥିଲା। ଆମେ ଏକ ଛୋଟ ଗାଁକୁ ଯାଇ ବନ୍ୟା ସମୟରେ ଦୁଇଟି ନଦୀ ପାର ହୋଇଗଲୁ।