୧୨ କୋଟି ୫୦ ଲକ୍ଷ ଟଙ୍କାର ଗଞ୍ଜେଇ ଚାଷ ନଷ୍ଟ
ମୋହନା:- ୬୦ଏକର ଜମିରୁ ଗଞ୍ଜେଇ ଚାଷ ନଷ୍ଟ କରାଯାଇଛି । ଯାହାର ଆନୁମାନିକ ମୁଲ୍ୟ ୧୨ କୋଟି ୫୦ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଗଜପତି ଜିଲ୍ଲା ଆର୍.ଉଦୟଗିରି ଥାନା ଅନୁଗୁର ପଞ୍ଚାୟତ ଟିଲିକର ଗାଁ ନିକଟରେ ଗଞ୍ଜେଇ ଗଛ ନଷ୍ଟ କରାଯାଇଛି ।
ଖବର ଅନୁଯାୟୀ, ଉକ୍ତ ଗାଁରେ ଗଞ୍ଜେଇ ଚାଷ ନେଇ ପୋଲିସ ଓ ଅବକାରୀ ବିଭାଗକୁ ଖବର ମିଳିଥିଲା । ଯାହାପରେ ଆକ୍ସନ ମୋଡ଼ରେ ଆସିଛି ଅବକାରୀ ବିଭାଗ ଓ ପୋଲିସ । ଟିଲିକର ଗାଁରେ ଅବକାରୀ ବିଭାଗ ଓ ପୋଲିସର ଏକ ଟିମ୍ ଚଢାଉ କରି ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ ହୋଇଛି । ଆର.ଉଦୟଗିରି ଥାନା ଟିଲିକର ଗାଁ ନିକଟସ୍ଥ ୬୦ ଏକର ଜମିରେ ଗଞ୍ଜେଇ ଚାଷ ହୋଇଥିଲା । ଯାହାକୁ ପୋଡି ନଷ୍ଟ କରାଯାଇଛି ।