ପରିତ୍ୟକ୍ତ ଘରୁ ବୃଦ୍ଧ ଦମ୍ପତ୍ତିଙ୍କ ମୃତଦେହ ଉଦ୍ଧାର

ବଲାଙ୍ଗୀର :-ପରିତ୍ୟକ୍ତ ଘରୁ ବୃଦ୍ଧ ଦମ୍ପତ୍ତିଙ୍କ ମୃତଦେହ ଉଦ୍ଧାର ହୋଇଛି । ବଲାଙ୍ଗୀର ଜିଲ୍ଲା ଟାଉନ୍ ଥାନା ଶାନ୍ତିପଡା ଚନ୍ଦ୍ରଶେଖର ନଗର ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା । ବୃଦ୍ଧଙ୍କ ମୃତ୍ୟୁ ପରେ ବୃଦ୍ଧା ଜଣଙ୍କ ବେକରେ ରଶି ଲଗାଇ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଘଟଣାର ତଦନ୍ତ ଜାରି ରଖିଛି ପୋଲିସ ।ସୂଚନାଯୋଗ୍ୟ ଯେ, ବଲାଙ୍ଗୀର ଜିଲ୍ଲା ଟାଉନ୍ ଥାନା ଶାନ୍ତିପଡା ଚନ୍ଦ୍ରଶେଖର ନଗର ଅଞ୍ଚଳରେ ଏକ ପରିତ୍ୟକ୍ତ ଘରୁ ବୃଦ୍ଧ ଦମ୍ପତ୍ତିଙ୍କ ମୃତଦେହ ଉଦ୍ଧାର କରାଯାଇଛି । ମୃତ ବୃଦ୍ଧ ହେଲେ ଦେଓଗାଁ ଥାନା କୁଡସିଂଗା ଗାଁର ବୃନ୍ଦାବନ ସାହୁ । ତାଙ୍କ ବୟସ ୮୨ ବର୍ଷ । ବୃଦ୍ଧା ଜଣଙ୍କ ହେଲେ ନିରାଶ ସାହୁ । ତାଙ୍କ ବୟସ ୮୦ ବର୍ଷ ।ତେବେ ପରିବାର ଲୋକେ ଉଭୟ ସ୍ବାମୀ-ସ୍ତ୍ରୀଙ୍କୁ ପଚାରୁ ନଥିବାରୁ ଉଭୟ ଆସି ବଲାଙ୍ଗୀର ଆସି ଏକ ପରିତ୍ୟକ୍ତ ଘରେ ରହୁଥିଲେ । ମୃତ୍ୟୁର ପ୍ରକୃତ କାରଣ ଅସ୍ପଷ୍ଟ ରହିଛି । ଖବର ପାଇ ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଛି ।