ବନ କର୍ମଚାରୀଙ୍କ ମାଡରେ ଯୁବକଙ୍କ ମୃତ୍ୟୁ ! କାଠ ଚୋରୀ ସନ୍ଦେହରେ ଉଠାଇ ଆଣିଥିଲେ

ଖୋର୍ଦ୍ଧା :-ଖୋର୍ଦ୍ଧା ବାଣପୁର ଜଙ୍ଗଲ ମଧ୍ୟରୁ କାଠ ଚୋରୀ ସନ୍ଦେହରେ ବନ ବିଭାଗ କର୍ମଚାରୀମାନେ ଉଠାଇ ଆଣିଥିବା ଜଣେ ଅଭିଯୁକ୍ତକୁ ନିସ୍ତୁକ ମାଡ ଯୋଗୁଁ ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି । ମୃତକ ଜଣଙ୍କ ନୟାଗଡ ଜିଲ୍ଲା ଶରଣକୂଳ ଅଞ୍ଚଳର ଯୁବକ ଟିକି ବେହେରା ବୋଲି ଜଣାପଡିଛି ।ଗତ ସୋମବାର ବିଳମ୍ବିତ ରାତିରେ ଖୋର୍ଦ୍ଧା ଜିଲ୍ଲା ବାଲୁଗାଁ ରେଞ୍ଜ ନିଳାଦ୍ରୀପ୍ରସାଦ ଜଙ୍ଗଲ ମଧ୍ୟରୁ ଯୁବକଙ୍କୁ କାଠ ଚୋରୀ ସନ୍ଦେହରେ ବନ ବିଭାଗ କର୍ମଚାରୀ ଉଠାଇ ଆଣିଥିଲେ ।  ରାତିରେ ତାଙ୍କୁ ନିସ୍ତୁକ ମାଡ଼ ମରାଯାଇଥିବା ଅଭିଯୋଗ ହୋଇଛି । ଏପରିକି ଟିକି ବେହେରାଙ୍କ ଶରୀରରେ ପ୍ରବଳ ମାଡ଼ ଦାଗ ଥିବା ତାଙ୍କ  ପରିବାର ଲୋକେ ଅଭିଯୋଗ କରିଛନ୍ତି । ଗୁରୁତର ଅବସ୍ଥାରେ ତାଙ୍କୁ ବାଣପୁର ମେଡିକାଲ ନିଆଯାଇଥିଲା । ହେଲେ ଡାକ୍ତର ଟିକି ବେହେରାଙ୍କୁ ମୃତ ଘୋଷଣା କରିଥିଲେ ।ବାଣପୁର ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏନେଇ ବନ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ । ସେପଟେ ମୃତକ ଟିକି ବେହେରାଙ୍କ ପତ୍ନୀ ବାଣପୁର ଥାନାରେ ଲିଖିତ ଅଭିଯୋଗ କରିଛନ୍ତି ।