ଡିଜେଲ ଟ୍ୟାଙ୍କରର ସ୍ଵତନ୍ତ୍ର ଚାମ୍ବରରୁ ବିପୁଳ ପରିମାଣର ଗଞ୍ଜେଇ ଜବତ, ଦୁଇ ଜଣ ଅଟକ

ଲମତାପୁଟ:-ପୁଣି ଅଭିନବ ଉପାୟରେ ଗଞ୍ଜେଇ ଚୋରା ଚାଲାଣ ବେଳେ ନନ୍ଦପୁର ପୋଲିସ  ପଞ୍ଜାବର ଦୁଇ ଗଞ୍ଜେଇ ମଫିଆଙ୍କୁ  ଧରିଛି । କୋରାପୁଟ ଜିଲ୍ଲା ଚାଟୁଆ  ଅଞ୍ଚଳରୁ କଲିକତା ଚାଲାଣ ବେଳେ   ପୋଲିସ ହାତରେ ଧରାପଡିଛି  ବିପୁଳ ପରିମାଣର ଗଞ୍ଜେଇ ।  କୋରାପୁଟ ଏସପି ଙ୍କ ନିର୍ଦ୍ଦେଶକ୍ରମେ ନନ୍ଦପୁର ଏସଡ଼ିପିଓ  ଏବଂ ନନ୍ଦପୁର ଥାନା ଅଧିକାରୀ ମିଳିତ ପଡୁଆଠାରୁ ନନ୍ଦପୁର ପେଟ୍ରୋଲିଂ କରିବା ସମୟରେ ଧରାପଡିଛି ଗଞ୍ଜେଇ । ଚାଟୁଆ  ଅଞ୍ଚଳରୁ ଦ୍ରୁତ ଗତିରେ ଆସୁଥିବା ଡିଜେଲ ଟ୍ୟାଙ୍କରକୁ  ଅଟକାଇ ଗାଡି ଯାଞ୍ଚ  କରିବାରୁ  କିଛି ବି ସୁରାଗ ପାଇନଥିଲା ପୋଲିସ । ପ୍ରାୟ ଏକ ଘଣ୍ଟା ଧରି ଗାଡିକୁ ତନ ତନ କରି ଯାଞ୍ଚ କରିବାରୁ ଡିଜେଲ ଟାଙ୍କିରେ ସ୍ଵତନ୍ତ୍ର ଚାମ୍ବରରେ ବିପୁଳ ପରିମାଣରେ ଗଞ୍ଜେଇ ଥିବା ଜଣାପଡିଥିଲା ।  ଗଞ୍ଜେଇ ଚାଲାଣ ବେଳେ ବ୍ୟବହୃତ ହୋଇଥିବା ଟ୍ୟାଙ୍କର  ସହ  ଦୁଇ ଜଣକୁ  ଅଟକ ରଖିଛି ପୋଲିସ   । ଏହି ଟ୍ରକରେ ପ୍ରାୟ  ୬  କ୍ବିଣ୍ଟାଲ ଗଞ୍ଜେଇ ଥିବା ଜାଣିବାକୁ ପାଇଛି ପୋଲିସ । ଏହାର ମୂଲ୍ୟ ୫୦ ଲକ୍ଷ ହେବ ବୋଲି ପୋଲିସ ସୂଚନା ଦେଇଛି । ଅଟକ ଯୁବକ ପଞ୍ଜାବ  ଅଞ୍ଚଳର ସନ୍ଦୀପ ସିଂହ ଦେବ ଜୀ  ଏବଂ ରନ୍ଦୀପ ସିଂହ  । ଏମାନେ ଏହି ଡିଜେଲ ଟ୍ୟାଙ୍କରକୁ କେବଳ ଗଞ୍ଜେଇ ଚୋରା ଚାଲାଣରେ ବ୍ୟବହାର କରୁଥିଲେ ।  ଏହି ଦୁଇ ଯୁବକ ବହୁବାର ଏହି ଅଞ୍ଚଳରୁ ଗଞ୍ଜେଇ ଚୋରା ଚାଲାଣ କରୁଥିବା ପୋଲିସକୁ କହିଥିବା ପୋଲିସ ସୂଚନା ଦେଇଛି ।