କୃଷି ବିଲ୍ ଉପରେ ମୋହର ମାରିଲେ ରାଷ୍ଟ୍ରପତି
ନୂଆଦିଲ୍ଲୀ – କୃଷି ବିଲ୍ ଉପରେ ମୋହର ମାରିଲେ ରାଷ୍ଟ୍ରପତି।ରାଷ୍ଟ୍ରପତି ରାମନାଥ କୋବିନ୍ଦ ରବିବାର ମୌସୁମି ଅଧିବେଶନରେ ସଂସଦରେ ଗୃହୀତ କୃଷି ବିଧେୟକ ଉପରେ ମୋହର ମାରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଧେୟକ ଗୃହୀତ ହେବାକୁ ଭାରତୀୟ କୃଷି ଇତିହାସରେ ଐତିହାସିକ ଦିନର ଆଖ୍ୟା ଦେଇଥିଲେ। ସେ ଏହାରି ଉପରେ ଜୋର ଦେଇଥିଲେ ଯେ, ଏହି ବିଧେୟକ କୃଷି କ୍ଷେତ୍ରରେ ଆମୂଳଚୂଳ ପରିବର୍ତ୍ତନ ଆଣିବ। ଏଥିରେ କୃଷକଙ୍କ ଆୟ ଦ୍ଵିଗୁଣ କରିବାର ପ୍ରୟାସକୁ ଆହୁରି ମଜବୁତ କରିବ।
କୃଷକ ଓ ସମସ୍ତ ବିରୋଧୀ ଦଳ ଏହି ବିଧେୟକ ପ୍ରତ୍ୟାହାର କରିବାକୁ ଦାବି କରିଥିଲେ। ହେଲେ ତାଙ୍କ ଅପିଲ୍ ପ୍ରଭାବହୀନ ରହିଛି। ରାଷ୍ଟ୍ରପତି ଜାମ୍ମୁ-କାଶ୍ମୀର ସରକାରୀ ଭାଷା ବିଲ୍ ୨୦୨୦କୁ ମଧ୍ୟ ମଞ୍ଜୁରୀ ଦେଇଛନ୍ତି। ଏଥିସହ ଏହି ବିଧେୟକ ଆଇନରେ ପରିଣତ ହୋଇଛି।