ଡ୍ରଗ୍ସ ମାମଲାରେ ଫିଲ୍ମ ABCD କୋରିଓଗ୍ରାଫର କିଶୋର ସେଟ୍ଟୀ ଗିରଫ

ମୁମ୍ବାଇ :- ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ଡ୍ରଗ୍ସ ଏଙ୍ଗଲରୁ ତଦନ୍ତ ପରେ ଏନସିବି ଯାଞ୍ଚ ଜାରି ରହିଛି । ମଙ୍ଗଲୁରୁ କ୍ରାଇମ ବ୍ରାଞ୍ଚ ପୋଲିସ ଶନିବାର ଦିନ ଡ୍ରଗ୍ସ ମାମଲାରେ କୋରିଓଗ୍ରାଫର କିଶୋର ସେଟ୍ଟୀଙ୍କୁ ଗିରଫ କରିଛି । ତାଙ୍କ ଉପରେ ଡ୍ରଗ୍ସ ରଖୁଥିବା ଆରୋପ ହୋଇଛି । ମାମଲାରେ ତାଙ୍କୁ ପଚରାଉଚୁରା ଜାରି ରହିଛି । କିଶୋର ସେଟ୍ଟୀ ପ୍ରସିଦ୍ଧ କୋରିଓଗ୍ରାଫର ରେମୋ ଡିସୁଜାଙ୍କ ଫିଲ୍ମ ABCD ରେ କାମ କରିଛନ୍ତି । ରିଆଲିଟି ଶୋ’ ଡ୍ୟାନ୍ସ ଇଣ୍ଡିଆ ଡ୍ୟାନ୍ସରେ ମଧ୍ୟ ସେ ଅଂଶଗ୍ରହଣ କରିଥିଲେ ।ମଙ୍ଗଲୁରୁ ପୋଲିସ ବିଭାଗ ସୂତ୍ର ଅନୁଯାୟୀ, ସେ ମୁମ୍ବାଇରୁ ମଙ୍ଗଲୁରୁକୁ ଡ୍ରଗ୍ସ ସପ୍ଲାଏ କରୁଥିଲେ । ନ୍ୟୁ ଇଣ୍ଡିଆନ ଏକ୍ସପ୍ରେସ ଖବର ଅନୁଯାୟୀ, କୋରିଓଗ୍ରାଫର କିଶୋର ସେଟ୍ଟୀଙ୍କ ବିରୋଧରେ ନାର୍କୋଟିକ୍ ଡ୍ରଗ୍ ଏବଂ ସାଇକୋଟ୍ରୋପିକ୍ ପଦାର୍ଥ ଅଧିନିୟମ ଅନୁଯାୟୀ ମାମଲା ରୁଜ୍ଜୁ କରାଯାଇଛି । ମଙ୍ଗଲୁରୁ ପୋଲିସ ଆୟୁକ୍ତ ବିକାଶ ଏହି ମାମଲାର ଔପଚାରିକତା ପୁରା ହେବାପରେ ଏକ ସାମ୍ବାଦିକ ସମ୍ମିଳନୀ ଆୟୋଜନ କରି ମାମଲାର ପର୍ଦାଫାଶ କରିବେ ।ନିକଟରେ ସୁଶାନ୍ତ ସିଂହ ମୃତ୍ୟୁ ମାମଲାରେ ଯାଞ୍ଚ ଏଜେନ୍ସି ଏନସିବିକୁ ଆଉ ଏକ ସଫଳତା ମିଳିଛି ।