ସୁଶାନ୍ତ ସିଂହଙ୍କ ମୃତ୍ୟୁ ମାମଲାରେ ନିର୍ମିତ ହେବ ଫିଲ୍ମ,
ମୁମ୍ବାଇ:- ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ଅନେକ ଦିନ ବତିଗଲାଣି। କିନ୍ତୁ ଆଜି ବି ଏହା ରହସ୍ୟ ଘେରରେ ରହିଛି। ସୁଶାନ୍ତ ସିଂ ରାଜପୁତ ପ୍ରକୃତରେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି। ମୃତ୍ୟୁକୁ ନେଇ ପରଦା ହଟିପାରୁନି।ଗୋଟିଏ ପଟେ ଦେଶର ୩ଟି ବଡ଼ ଯାଞ୍ଚ ସଂସ୍ଥା ସିବିଆଇ, ଏନସିବି ଏବଂ ଇଡି ଏହି ରାଜ୍ର ପର୍ଦ୍ଦାଫାଶ କରିବାରେ ଦୀର୍ଘ ଦିନ ଧରି ତଦନ୍ତ ଚଲାଇଛନ୍ତି। ଅନ୍ୟପକ୍ଷରେ ସୁଶାନ୍ତଙ୍କ କାହାଣୀ ଉପରେ ଆଧାରିତ ଏକ ଫିଲ୍ମ ନିର୍ମାଣ କରିବାକୁ ମଧ୍ୟ ଘୋଷଣା କରାଯାଇସାରିଲାଣି।ସୁଶାନ୍ତ ସିଂ ରାଜପୁତ ସୁସାଇଡ ମାମଲାରେ ଅନୁପ୍ରାଣିତ ଏହି ଚଳଚ୍ଚିତ୍ର ନିର୍ମାଣ କରୁଛନ୍ତି ସରଲା ସାରାଗୋଇ ଏବଂ ରାହୁଲ ଶର୍ମା। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଦିଲୀପ ଗୁଲାଟି ଏବଂ ଏଥିରେ ସୁଶାନ୍ତ ସିଂହଙ୍କ ଭୂମିକାରେ ଅଭିନେତା ଜୁବୈର ଖାନ ଅଭିନୟ କରିବେ।ଏହି ଚଳଚ୍ଚିତ୍ରରେ ରିୟା ଚକ୍ରବର୍ତ୍ତୀଙ୍କ ଭୂମିକାରେ ଶ୍ରେୟା ଶୁକ୍ଲା ଅଭିନୟ କରିବେ। ଶ୍ରେୟା ପୂର୍ବରୁ ଏକ ୱେବ୍ ସିରିଜରେ କାମ କରୁଥିବା ନଜର ଆସିଥିଲେ। ଫିଲ୍ମରେ ଦିଶା ସାଲିଆନଙ୍କ ଭୂମିକା ପାଇଁ ବିଗ୍ ବସ୍ ଫେମ୍ ଅଭିନେତ୍ରୀ ସୋମି ଖାନଙ୍କୁ ଚୟନ କରାଯାଇଛି। ଫିଲ୍ମରେ ଦିଶା ସାଲିଆନଙ୍କ ଭୂମିକା ଆଣିବା ପଛରେ ଫ୍ୟାନ୍ସ ଅନୁମାନ କରୁଛନ୍ତି କି, ବୋଧେ ଏହି କାହାଣୀରେ ସୁଶାନ୍ତଙ୍କ ମୃତ୍ୟୁ ମାମଲାରେ ଦିଶାଙ୍କ ମୃତ୍ୟୁ ଯୋଡ଼ିବାକୁ ଚେଷ୍ଟା କରାଯାଉଛି।ଏହି ଫିଲ୍ମରେ ଶକ୍ତି କପୁର ଜଣେ ସିବିଆଇ ଅଧିକାରୀ ଭୂମିକାରେ ଅଭିନୟ କରିବେ। ଚଳଚ୍ଚିତ୍ରରେ ବାକି ଭୂମିକା ସମ୍ପର୍କ କଥା ହେବା ତ ଏଥିରେ ଅରୁଣ ବକ୍ସି ସୁଶାନ୍ତଙ୍କ ପିତା ଭୂମିକାରେ ଏବଂ ଅମନ ବର୍ମା ଜଣେ ଇଡି ଅଧିକାରୀ ଭୂମିକାରେ ଅଭିନୟ କରିବେ। ଏହି ଚଳଚ୍ଚିତ୍ରରେ ଜଣାଶୁଣା ଅଭିନେତା ଅସରାନୀ ଏବଂ ସୁଧା ଚନ୍ଦ୍ରନ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଫିଲ୍ମର କାଷ୍ଟ ଏବଂ କ୍ରୁ ଚୂଡାନ୍ତ ହୋଇଛି, ତେବେ ଫିଲ୍ମଟି ଗ୍ରାଉଣ୍ଡକୁ କେବେ ଆସିବା ତାହା ଦେଖିବାକୁ ବାକି ରହିଲା।