ଦ୍ୱିପ୍ରହରରେ କରନ୍ତୁ ନାହିଁ ଏହି କାମ, ମାଡ଼ି ଆସିବ ବିପଦ

ଜ୍ୟୋତିଷ ଶାସ୍ତ୍ର ଅନୁସାରେ ଏଭଳି କିଛି କାମ ଅଛି ଯାହାକୁ ଦିନରେ ବିଶେଷକରି ଦ୍ୱିପହରରେ କରିଲେ ଆପଣଙ୍କ ଜୀବନରେ ଅନେକ ସମସ୍ୟା ସୃଷ୍ଟି ହୋଇଥାଏ । ଘରୋଇ ଶାନ୍ତି ନଷ୍ଟ ହେବା ସହ ଆପଣଙ୍କୁ ଆର୍ଥିକ କ୍ଷତିର ସମ୍ମୁଖୀନ ହେବାକୁ ପଡେ । ଆସନ୍ତୁ ଜାଣିବା ସେସବୁ ବିଷୟ ବାବଦରେ ଯାହା ଶାସ୍ତ୍ର ଅନୁସାରେ ଦିନରେ କରିବା ବର୍ଜନୀୟ । ଆପଣ ଯଦି ଧର୍ମଶାସ୍ତ୍ରରେ ବିଶ୍ୱାସ କରନ୍ତି ତେବେ ଆପଣଙ୍କ ପାଇଁ ଏସବୁ ଜାଣିବା ନିତ୍ୟାନ୍ତ ଜରୁରୀ ।

୧.ଦି’ପହରରେ ସୂର୍ଯ୍ୟଙ୍କୁ ଜଳ ଅର୍ପଣ

ଶାସ୍ତ୍ର ଅନୁସାରେ ଦ୍ୱିପ୍ରହର ସମୟରେ ସୂର୍ଯ୍ୟଙ୍କୁ ଜଳ ଅର୍ପଣ କରିବା ବର୍ଜନୀୟ । କାରଣ ଏହି ସମୟରେ ସୂର୍ଯ୍ୟଙ୍କ ପ୍ରଭାବ ଖୁବ ପ୍ରଖର ରହିଥାଏ । ଜଳ ଦେବା ସମୟରେ ସେ ସେହିଭଳି ପ୍ରଭାବ ପକାଇଥାନ୍ତି । ଏହି ସମୟରେ ଶୁଭ ପ୍ରଭାବ କମ ପଡ଼ିଥାଏ । ଏଥିରେ ରୋଗ ବ୍ୟାଧୀ ଦେଖାଦେବା ସହିତ ଧନ ସମ୍ପତ୍ତିରେ ହ୍ରାସ ଘଟିଥାଏ ।

୨. ଦିନରେ ନିଦ୍ରା ଗଲେ ଲକ୍ଷ୍ମୀଛଡା ହେବେ

ଶାସ୍ତ୍ରରେ କୁହାଯାଇଛିଯେ, ଦିନରେ ଶୋଇବା ଦ୍ୱାରା ମା ଲକ୍ଷ୍ମୀ କ୍ରୋଧ କରନ୍ତି । ଏହା ଦ୍ୱାରା ଆୟୁ କମ୍ ହୋଇଥାଏ । କୁହାଯାଏ ସୂର୍ଯ୍ୟ ଏହି ସମୟରେ ଜାଗ୍ରତ ରହୁଥିବାରୁ ସେହି ସମୟରେ ଅନ୍ୟମାନେ ଶୋଇବା ଅନୁଚିତ୍ ।

୩. ହନୁମାନ ପୂଜା ମନା

ଦ୍ୱିପ୍ରହର ସମୟରେ ଭଗବାନ ହନୁମାନଙ୍କୁ ପୂଜା କରିବା ଅନୁଚିତ୍ । ଲୋକକଥା ଅନୁସାରେ ହନୁମାନ ବିଭୀଷଣଙ୍କୁ କହିଥିଲେ କି ସେ ଏହି ସମୟରେ ଲଙ୍କାରେ ରୁହନ୍ତି । ତେଣୁ ସେହି ସମୟରେ ପୂଜା କରିବାର କୌଣସି ଫାଇଦା ନାହିଁ ।
୪. ଏହି ମସୟରେ ସମ୍ବଦ୍ଧ ରଖିବା ଅନୁଚିତ

ଦି’ପହରରେ ଯୌନ ସମ୍ବନ୍ଧ ରକ୍ଷା କରିବା ଶାସ୍ତ୍ରରେ ବର୍ଜିତ ।  ଦିନରେ ସୂର୍ଯ୍ୟ ବିଦ୍ୟମାନ ଥାନ୍ତି । ସୂର୍ଯ୍ୟଙ୍କୁ ନାରାୟଣ ରୂପରେ ମଧ୍ୟ ଗ୍ରହଣ କରାଯାଇଥାଏ । ଏହି ସମୟରେ ଶାରିରିକ ସଂପର୍କ ସୂର୍ଯ୍ୟଙ୍କୁ କ୍ରୋଧିତ କରିଥାଏ ।
୫. ତେନ୍ତୁଳି ଓ ମନ୍ଦାର ଗଛ ପାଖକୁ ଯିବା ଅନୁଚିତ

ଦି’ପହରରେ ତେନ୍ତୁଳି ଏବଂ ମନ୍ଦାର ଗଛ ନିକଟକୁ ଯିବା ଅନୁଚିତ୍ । ଏଭଳି କରିବା ଦ୍ୱାରା ମନକୁ ନକରାତ୍ମକ ଚିନ୍ତାଧାରା ଆସିଥାଏ । ଏହା ବ୍ୟତୀତ ଶରୀରରେ ଯନ୍ତ୍ରଣା ମଧ୍ୟ ହୋଇଥାଏ । ଏହା ସହିତ ଭିନ୍ନ ଭିନ୍ନ ସମସ୍ୟା ମଧ୍ୟ ଦେଖାଦିଏ ।