ଜଳଖିଆ ଦୋକାନୀଙ୍କୁ ପୋଲିସ ମାଡ଼ ଅଭିଯୋଗରେ ରାସ୍ତାରୋକ
ସୋନପୁର:- ପୋଲିସର ମାତ୍ରାଧିକ ଜୁଲମକୁ ବିରୋଧ କରି ରାସ୍ତାରୋକ । ସୋନପୁର ଜିଲ୍ଲା ବୀରମହାରାଜପୁର ଠାରେ ରାସ୍ତାରୋକ । ସୋନପୁର -ରେଢ଼ାଖୋଲ ରାସ୍ତାରେ ଯାତାୟତ ଠପ୍ ହୋଇଛି ।ଗତକାଲି ସନ୍ଧ୍ୟାରେ ବୀରମହାରାଜପୁର ଥାନା ଏସଆଇ ବିଜୟ ବାରିକ ଏବଂ ତାଙ୍କ ଟିମ୍ ସହ ଫିଲ୍ଡ ଭିଜିଟରେ ଯାଇଥିଲେ । ସ୍ଥାନୀୟ ସାମ୍ବାଦିକ ଭବନ ଛକରେ ଜଳଖିଆ ଦୋକାନ କରିଥିବା ସୁଦାମ ବିଶ୍ବାଳଙ୍କୁ କାହିଁ ମାସ୍କ ପିନ୍ଧି ନାହୁଁ ବୋଲି ପ୍ରଶ୍ନ କରିଥିଲେ । ଏହା ସହିତ ତାଙ୍କୁ ଗାଳିଗୁଲଜ କରିବା ସହ ଠେଲାଗାଡ଼ିକୁ ଫିଙ୍ଗା ଫୋପଡା କରିଥିଲେ । ଫଳରେ ତେଲ କଡ଼େଇରୁ ଗରମ ତେଲ ପଡ଼ି ସୁଦାମ ଆହତ ହୋଇଛନ୍ତି ।ସେହିପରି ପୋଲିସ ତାଙ୍କୁ ମାଡ଼ ମାରିଥିବା ମଧ୍ୟ ଅଭିଯୋଗ ହୋଇଛି । ଘଟଣାକୁ ନେଇ ଆଜି ସ୍ଥାନୀୟ ଲୋକେ ରାସ୍ତାରୋକ କରିଛନ୍ତି । ସେପଟେ ବୀରମହାରାଜପୁର ଥାନା ଅଧିକାରୀ ପ୍ରଭା ଧନଙ୍କୁ ଏ ବିଷୟରେ ପଚରା ଯିବାରୁ ପ୍ରଥମେ ସେ କହିଥିଲେ ଆମ ଷ୍ଟାଫ ସେମାନେ ନୁହଁନ୍ତି ପରେ କହିଛନ୍ତି କି ସୁଦାମ ପୋଲିସକୁ ଦେଖି ଠେଲାଗାଡ଼ି ଧରି ଦୌଡ଼ି ଯାଉଥିବା ବେଳେ ତେଲ ପଡ଼ି ଆହତ ହୋଇଛନ୍ତି ।