ନୟାପଲି ଥାନା ଅଧିକାରୀଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରେ ଅଞ୍ଚଳର ବିଶିଷ୍ଟ ଲୋକ, ଆଇନିଶୁଙ୍ଖଳା ବଜାଇ ରଖିବାକୁ କଲେ ଆଲୋଚନା

ଭୁବନେଶ୍ୱର:-ନୟାପଲି ଥାନା ଅଧିକାରୀ ଭାବେ ନୂତନ କରୀ ଦାଇତ୍ୱ ନେଇଥିବା ଶରତ ସାହୁଙ୍କୁ ଅଞ୍ଚଳର ବିଶିଷ୍ଟ ଲୋକେ ମାନେ ପୁଷ୍ପଗୁଚ୍ଛ ଦେଇ ସ୍ୱାଗତ କରିଛନ୍ତି। ସମାଜସେବୀ ତଥା ଶ୍ରୀ ମହାବୀର ସାମାଜିକ ସଂଗଠନ ର ସାଧାରଣ ସମ୍ପାଦକ,ଶ୍ରୀ ମହାବୀର ପୂଜା କମିଟି ର କାର୍ଯ୍ୟକାରୀ ସଭାପତି ମିଲନ କୁମାର ପାଇକରାୟ, ସମାଜସେବୀ ଅର୍ଜୁନ ବେହେରା ଆଜି ସାମାଜିକ ଦୂରତା ରକ୍ଷା କରି ଭାରପ୍ରାପ୍ତ ଅଧିକାରୀ  ଶରତ ଚନ୍ଦ୍ର ସାହୁ ଙ୍କୁ ଭେଟି ପୁଷ୍ପଗୁଛ ଦେଇ ଅଭିନନ୍ଦନ ଜଣାଇବା ସହ ଅଞ୍ଚଳର ଉନ୍ନତି ପାଇଁ କିଛି ଆଲୋଚନା ମଧ୍ୟ କରିଥିଲେ।

ଆଗାମୀ ଦିନରେ କିଭଳି ଉକ୍ତ ଅଞ୍ଚଳରେ ଆଇନିଶୁଙ୍ଖଳା ବଜାଇ ରହିବା ସହ ବରିଷ୍ଠ ନାଗରିକଙ୍କ ଆମସ୍ୟା ଦୂର ପାଇଁ ଆଲୋଚନା କରିଥିଲେ। ଥାନା ଅଧିକାରୀଙ୍କୁ ଭେଟ ସମୟରେ  ପ୍ରଭୁଦତ୍ତ ସାମଲ, ଅନୁଜ ଚନ୍ଦନ ନାୟକ,ଶୁଭେନ୍ଦୁ ନାୟକ,ସମିରଣ ଦାସ,ଓ ସର୍ବେଶ୍ୱର ବେହେରା ପ୍ରମୁଖ ଉପସ୍ଥିତ ଥିଲେ। ବିଶେଷ କରି ବରିଷ୍ଠ ନାଗରିକଙ୍କ ସୁରକ୍ଷା ଓ ଅନ୍ୟ ବିଷୟ ରେ ସମାଜସେବୀ ମିଲନ ପାଇକରାୟ ଓ ଅର୍ଜୁନ ବେହେରା ଆଲୋଚନା କରିଥିଲେ। କରୋନା ପରିସ୍ଥିତି ଟିକେ ସୁଧୁରିବା ପରେ ସାମାଜିକ ଦୂରତା ରକ୍ଷା କରି ବରିଷ୍ଠ ନାଗରିକ ଙ୍କ ସହ ସେମାନଙ୍କର ସୁରକ୍ଷା ପାଇଁ ଆଲୋଚନା କରାଯିବ ଓ ଯେଉଁ ବରିଷ୍ଠ ନାଗରିକମାନେ ପରିଚୟ ପତ୍ର ପାଇ ନାହାଁନ୍ତି ସେମାନଙ୍କୁ ପରିଚୟ ପତ୍ର ଦିଆଯିବ ବୋଲି ନୂତନ ଭାବେ ଦାଇତ୍ୱ ନେଇଥିବା ଥାନାଧିକାରୀ  ପ୍ରତିଶୃତି ଦେଇଥିଲେ।