ବାଲି ଚାଲାଣକୁ ନେଇ ହିଞ୍ଜିଳିରେ ଉତ୍ତେଜନା,
ଆସିକା: -ବାଲି ଚାଲାଣକୁ ନେଇ ଗଞ୍ଜାମ ଜିଲ୍ଲା ହିଞ୍ଜିଳି କୋଳିଦାସପୁର ଗାଁରେ ଉତ୍ତେଜନା ପ୍ରକାଶ ପାଇଛି। ହିଞ୍ଜିଳି ଥାନା ଆଗରେ ଧାରଣାରତ ଗ୍ରାମବାସୀଙ୍କୁ ପୋଲିସ୍ ଲାଠିଚାର୍ଜ କରିଥିବା ସୂଚନା ମିଳିଛି। ପୋଲିସର ଲାଠି ଚାଳନା ପରେ ଆନ୍ଦୋଳନକାରୀମାନେ ଛତ୍ରଭଙ୍ଗ ଦେଇଥିବା ଜଣାପଡ଼ିଛି।
ପୋଲିସ୍ ଉପରକୁ ଆନ୍ଦୋଳନକାରୀମାନେ ଢେଲାପଥର ବି ମାଡ଼ କରିଛନ୍ତି। ଗତ ୨୧ ତାରିଖରେ ବାଲି ଚୋରା ଚାଲାଣକୁ ବିରୋଧ କରି ଟ୍ରକ, ଟ୍ରାକ୍ଟର ପୋଡ଼ି ଦେଇଥିଲେ ଦୁର୍ବୃତ୍ତ। ଏହି ଘଟଣାରେ ୧୦ ହିଞ୍ଜିଳି ପୋଲିସ୍ ଅଭିଯୁକ୍ତଙ୍କୁ ଅଟକ ରଖିଛି। ଅଟକ ୧୦ ଅଭିଯୁକ୍ତଙ୍କୁ ଖଲାସ ଦାବିରେ ଧାରଣା ଦେଇଥିଲେ ଗ୍ରାମବାସୀ।