ପରୀକ୍ଷାରେ ବିଫଳ ହେବାରୁ ଛାତ୍ରଙ୍କ ଆତ୍ମହତ୍ୟା

ଭୁବନ:-ଭୁବନ ଏନଏସି ଅନ୍ତର୍ଗତ ୩ ନମ୍ବର ୱାର୍ଡର ଜଣେ ଯୁକ୍ତ ଦୁଇ ଛାତ୍ର ପରୀକ୍ଷାରେ ବିଫଳ ହେବାରୁ ଆତ୍ମହତ୍ୟା କରିଥିବା ଜଣାପଡିଛି । ପ୍ରାପ୍ତ ଖବରରୁ ପ୍ରକାଶ ଯେ, ୩ ନମ୍ବର ୱାର୍ଡର ଶ୍ରୀଧର ଦାସ ଙ୍କ ପୁଅ ବୁଲୁ ଦାସ (୧୮) ଭୁବନ ବାଜିରାଉତ ସ୍ମୃତି ମହାବିଦ୍ୟାଳୟରେ ଯୁକ୍ତ ଦୁଇ ବିଜ୍ଞାନ ଅଧ୍ୟୟନ କରୁଥିଲେ । ଗତକାଲି ପରୀକ୍ଷା ଫଳ ପ୍ରକାଶ ପାଇବା ପରେ ସେ ଫେଲ ହୋଇଥିବା ଜାଣି ଦିନ ୧ ଘଟିକା ସମୟରେ ଘରୁ ପଳାଇ ଆସି ଆଉ ଫେରିନଥିଲେ । ଆଜି ସକାଳେ ସହର ଉପକଣ୍ଠସ୍ଥ ଭରତି ପାହାଡସ୍ଥ ଏକ ଗଛରେ ତାଙ୍କ ଶବ ଝୁଲୁଥିବା ଖବର ମିଳିବା ପରେ ପରିବାରବର୍ଗ ଙ୍କ ଉପସ୍ଥିତିରେ ପୋଲିସ ଶବ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ଭୁବନ ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲା । ଏ ସଂପର୍କରେ ଭୁବନ ଥାନାରେ ୧୪ / ୨୦୨୦ ରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଛି ।